Një 40-vjeçar ka mbetur i plagosur me armë zjarri mëngjesin e sotëm në  rrethin e Kurbinit
Ngjarja e rëndë sipas informacioneve të para, mendohet të ketë ndodhur për motive pronësie.

Mësohet se 40-vjeçari Kujtim Farruku, nga fshati Gjorm i Kurbinit, është qëlluar me çifte nga kushëriri i tij.

Sipas policisë, dyshohet se shkak për plagosjen është bërë një sherr mes Farrukut dhe kushëririt të tij për arsye pronësie.

Ndërkohë, policia ka nisur kërkimet për kapjen e autorit, identiteti i të cilit nuk bëhet me dije për arsye hetimore, si dhe zbardhjen e plotë të shkaqeve dhe rrethanave të ngjarjes së rëndë. 24 prill 2012 (gazeta-Shqip.com)