Një i ri nga fshati Ngurrëz e Vogël në Komunën Krutje të Lushnjës i ka dhënë fund jetës duke u vetëvrarë me armë gjahu. Ngjarja ka ndodhur pak para mesnatës së të shtunës në vendin e quajtur Gozhokë në këtë fshat. Sipas policisë, 26-vjeçari me inicialet A.Ç është gjetur i pajetë në një kanal. Ai ka kryer vetëvrasje duke e qëlluar veten poshtë mjekrës me një armë, që ia kishte marrë shokut të tij më të ngushtë. Nga deklarimet e këtij të fundit është mësuar se viktima ia ka kërkuar armën për të dalë për gjah dhe ai nuk i dinte qëllimet e vërteta. Familjarët e viktimës thanë se kohët e fundit i riu kishte shfaqur probleme.
© 2006-2013 Gazeta SHQIP. All rights reserved.