Vogëlushja kanadeze sulmon bankat

27 Maj 2012 | : Kuriozitete | Autor:

12 vjeçarja akuzon: “Bankat private na vjedhin dhe qeveria është bashkëpunëtore”

Një artikulim i fuqishëm dhe i saktë për sistemin bankar dhe se çfarë mund të bëhet me të. Victoria Grant, është vetëm 12 vjeç dhe muajin e kaluar ka pasur kurajën të shpjegojë me mënyrën e saj dëmet që shkakton sistemi bankar në një dhomë të mbushur me bankier. Shpjegimi është bërë fillimisht në një video të publikuar në Youtube nga i ati i 12-vjeçares kanadeze, e më pas është përhapur virtualisht në rrjetet sociale. Popullariteti i videos është rritur ndjeshëm kur videoja është projektuar pas një takim të Public Banking Institute në Filadelfia, e që prej andej është postuar në mijëra blogje. Çelsi i analizës së 12-vjeçares Grant është fakti se bankat ndikojnë në aktivitetin e qeverive, ashtu dhe të kontribuuesve. “Qeveria dhe bankat kanë marrëveshje për të skllavëruar financiarisht popullin e Kanadasë”, nis fjalimin e saj 12-vjeçarja, e cila e ka arritur këtë konkluzion pas një detyre që kanë pasur në shkollë. “E keni pyetur ndonjëherë veten pse Kanadaja ka borxhe? E keni pyetur ndonjëherë veten pse qeveria detyron kanadezët të paguajnë kaq shumë taksa? E keni menduar ndonjëherë pse bankierët nga bankat private më të madhe po bëhen të pasur, ndërsa ne jo?”, ka thënë më tej Victoria, duke vënë në dukje se Kanadaja paguan 160 milionë dollarë në ditë në interes të bankave private. Sipas revistës Forbes numri i vizitorëve të kësaj videoje është rritur shumë gjatë 24 orëve të fundit, duke arritur në 200 mijë persona.

27 maj 2012 (gazeta-Shqip.com)
 
 

Autor te 27 Maj 2012. Kuriozitete. You can follow any responses to this entry through the RSS 2.0. You can leave a response or trackback to this entry
  • Ing-Tirana72

    Vajze e guximshme,e zgjuar.Bankat jane firma piramidale ne ortakeri me shtetin,mjafton te shohesh tek ne bashkepunimin e ngushte te shtetit me Banken e Shqiperise.Shteti merr borxhe depozitat e qytetareve,ne rast falimentimi ,me ligj banka te kthen vetem 10%te shumes se depozituar,aq sa na kthyen dhe firmat piramidale.

  • Kbasho

    po pse po habiteni shkoni ne you tube dhe klikoni zeitgeist, se po tju rekomandojme ndonje titull tjeter do na stigmatizoni si raciste

  • ben

    Me se e vertete.Por problemi nuk eshte vetem Canadaja,por e gjithe bota.Sistemi bankar i sotem vepron ne menyren me te keqe per te vjedhur  qeveri,individe dhe jo per ti ndihmuar.ato. E gjithe kjo ka bekimin e qeverive te mbare botes,dhe me sistemi ekonomik qe eshte ndertuar,te gjithe rruget te cojne tek banka,,,,dhe aty te pret  nje sopate e mprehur mire.