Mbrojtësi
Tiago Silva ka siguruar tifozët e Milanit se nuk ka ndërmend të largohet nga kuqezinjtë dhe se drejtuesit e klubit i kanë thënë që nuk duan ta shesin. Mbrojtësi brazilian i mbyll derën çdo mundësie transferimi te Mançester Siti apo Barcelona. “Jam i lumtur te Milani dhe dua të qëndroj në Itali. Kam folur me administratorin Adriano Galiani dhe më ka siguruar që do të vazhdoj karrierën me fanellën kuqezi. Unë i thashë që nuk kisha nevojë për siguri, sepse Milani është shtëpia ime dhe ato që shkruhen nëpër media, nuk kanë aspak rëndësi”, theksoi qendërmbrojtësi, i cili konsiderohet një nga më të fortët në botë.