Talenti
Fenomeni rrëfen jetën e tij nga Barcelona te Kombëtarja
“Guardiola më ka mësuar mua gjithçka, por kam besim edhe te Vilanova. Ëndrra ime është të fitoj një Kupë Bote me Argjentinën”. Kështu është shprehur ylli i skuadrës katalanase, tri herë radhazi fituesi i “Topit të Artë, Lionel Mesi, duke nënvizuar faktin se “futbolli është pasioni im, që kur kam qenë pesë vjeç. Prej asaj kohe topi ka qëndruar në këmbët e mia”.
Fenomeni i Barcelonës ka treguar rininë e tij, shkelmimin e parë të topit, derisa ka fituar gjithçka me fanellën e Barçës: “Pikë kthese për mua ishte Guardiola, thotë ‘Pleshti’. Puna me të më bëri që të rritesha si lojtar, sidomos faktikisht”. Megjithatë, ylli i Barcelonës duket se sheh përpara, teksa nuk do të dëgjojë asnjë emër tjetër klubi, përveç atë të Barcelonës, ku mund të luajë: “Unë qëndroj aty ku jam, te Barcelona, sepse shpresoj dhe mendoj se çdo gjë do të mbetet e njëjtë edhe pa Pep, vazhdoi argjentinasi. Tani kemi në drejtim Tito Vilanovën, i cili ka një personalitet shumë të ndryshëm. Unë shpresoj se gjërat do të shkojnë njësoj si me Guardiolën, sepse nuk shoh alternativë tjetër”. Në vitrinën e fenomenit, megjithatë, është një trofe që mungon, jo me fanellën e Barcelonës, por me atë të vendit të tij: “Fitimi i një Kupe të Botës me Argjentinën është ëndrra ime. Jam duke luajtur futboll, kam vite karrierë përpara, ndaj shpresoj ta fitoj edhe këtë trofe, tha Mesi, i cili zbuloi hobin e tij jashtë fushës së blertë, lojën me “PlayStation”.
Pasioni
“Futbolli është pasioni im, qëkur kam qenë pesë vjeç”