Berisha fton biznesin gjerman, premton ulje taksash

20 Qershor 2012 | : Ekonomi,Kryesoret | Autor:

Ambasadorja gjermane Holtkemper: Nevojitet luftë ndaj korrupsionit, rishikim i TVSH-së

Kryeministri Berisha ka ftuar sot, biznesin gjerman të shtojë investimet në Shqipëri, duke premtuar lehtësim të barrës fiskale dhe procedurave burokratike. Deklaratat e shefit të ekzekutivit shqiptar janë bërë gjatë punimeve të Forumin Ekonomik Gjermano – Shqiptar. “Nuk them se nuk ka pengesa e vështirësi, por ka një luftë të vendosur kundër tyre, për të krijuar mjedisin më miqësor. Shqipëria ka një model fiskal ndër më të favorshmit për biznesin: taksën e sheshtë prej 10 për qind, e cila mendoj se është një nga arsyet madhore të suksesit tonë; kontributet shoqërore 15 për qind për sipërmarrësit dhe vetëm 1.5 për qind të xhiros taksën për biznesin e vogël.

Ne nuk kemi ndërmend të rrisim taksat, përkundrazi do t’i ulim më tej ato. Ne besojmë se paratë në kontot tuaja bankare janë më të vlefshme për qytetarët shqiptarë, sesa në kontot publike. Të udhëhequr nga ky parim, ne do të vazhdojmë të përdorim çdo stimul, për të nxitur biznesin, në mënyrë që të përballojmë këtë krizë që ka pllakosur Europën e që mesa duket nuk do të jetë afatshkurtër”, deklaroi Berisha.

E pranishme në forum ka qenë edhe ambasadorja gjermane në Tiranë, Carola Muller Holtkemper, e cila pasi ka vlerësuar progresin e bërë nga Shqipëria në këto 20 vite, ka kërkuar rishikim të TVSH-së.

“Biznesi gjerman që ka investuar në Shqipëri është i kënaqur me rezultatet e arritura dhe optimist për të ardhmen. Rreth 80 % e investitorëve gjermanë janë të kënaqur dhe të sigurt për kompanitë e tyre dhe tregun në tërësi. 40 % janë optimistë për rezultatet pozitive në të ardhmen, 50 % mendojnë se do ketë rritje punësimi. Ajo çfarë nevojitet është kuadri ligjor, lufta kundër korrupsionit, një tjetër shqetësim është dhe taksa e TVSH, e cila mund të diskutohet dhe t’i jepet zgjidhje”, u shpreh ambasadorja Holtkemper.

Në forum kanë marrë pjesë përfaqësues të biznesit e sipërmarrjes gjermane dhe shqiptare, anëtarë të Shoqatës Ekonomike Gjermano-Shqiptare, të Shoqatës gjermane të Industrisë dhe Tregtisë, të Dhomës shqiptare të Tregtisë. Forumi u organizua në bashkëpunim me ambasadën gjermane në Shqipëri.

20 qershor 2012 (gazeta-Shqip.com)

Autor te 20 Qershor 2012. Ekonomi, Kryesoret. You can follow any responses to this entry through the RSS 2.0. You can leave a response or trackback to this entry
  • shkodrani

    i nderuar z.Kryeminister,ne baze te nenit 34 te Kodit Doganor te RSH,cmimet e referencave doganore aplikohen ne raste te vecanta dhe te parashikuara ne baze te ketij ligji….Une ju siguroj se ne doganen e shkodres,referencat doganore aplikohen absolutisht paperjashtim ne cdo aplikim te zakonshem doganor…Ju lutem,pse ndodh kjo dhe pse mashtrohet me deklarata te lirise se tregut nderkohe qe tregu ne shqiperi eshte krejtesisht i centralizuar ne dore te nje pakice te privilegjuar….
    Me miresi ju lutem,pres pergjigje …..

  • Arber

    Berisha premton te ule taksat per te huajt. Shqiptare do besuar kjo deklarate, packa se behet nga nje njeri qe nuk i mban premtimet. Tha Shqiperia 1 euro, e mbajti fjalen, sa e bleu fazllici Durresin, etj, etj? Aqe, ose ndoshta me pak. Eshte i pa skrupullt nuk la asnje pellembe pa shitur nga Shqiperia. Te pakte Esat pasha, Shefqet Verlaci, vrionet e Beratit, pashalleqet qe u dha Turqia i mbajten perveten e tyre, ndersa ky zuzar ua shiti te huajve.
    Dhe mburet kam rritje ekonomike thote, ne fakt eshte djersa e shqiptareve qe e sollen nga emigrimi.