Kam frike se sa me i madh mundi juaj, aq me e dhimbshme do te jete edhe terheqja qe ju do te beni pasi te lodheni dhe zhgenjimi juaj. Perballe keni kaloresit e Antikrishtit, qe nuk lodhen kurre ne aksionet e paligjeshme dhe per me shume edhe te pallogjikeshme.

Jam i sigurte se edhe pjesa e shoqerise civile qe aktivizohet kunder aksioneve te paligjshme te bashkise apo qeverise, nuk eshte ne lartesine e duhur te aksionit te tyre apropriat. Kam parasysh ketu shoqata te ndryshme dhe po marr si shembull konkretisht shoqaten e arkitekteve te Shqiperise. Drejtohet nga Shkreli ne disa vite, pas shkelqimit te performances se saj nen drejtimin e z.Jano. Por cfare aktiviteti kryen dhe sa gravitet ka arritur te krijoje? Nul! Pse ndodh kjo? Sepse sado civil z. Shkreli, prape se prape ne mentalitetin tone ne i duam rezultatet me shkop magjik. Sa here eshte mbledhur shoqata ne fjale per diskutime te karakterit teknik, per probleme qe hasen cdo dite ne aktivitetin ndertimor? Sa simpoziume apo kongrese jane organizuar per problemet e ark/urb? Sa cmime inkurajuese jepen nga kjo shoqate? Si inkurajohet sektori projektues dhe ai ndertues qe te permiresoje performancen teknikisht dhe shkencerisht?
Sikur Shkreli ta mblidhte muaj per muaj shoqaten ne seminare per probleme teknike, promovime etj, sot do te kishim panorame tjeter. Nese ne ato seminare, workshope apo kongrese do te diskutoheshin ceshtje parimore qe behen te prekshme ne jeten tone ne qytet apo fshat, sic eshte problemi i uljes se kostos se ndertimit dhe shfrytezimit te banesave si rezultat i projekteve me shkencore, perdorimin e energjise diellore, termo/zhurme izolimet, shtepite pasive, hapesirat urbane etj, atehere shoqata sot do te ishte kthyer ne nje institucion me peshe dhe prania e saj do te ishte efektive. Sikur keshtu te vepronin edhe pjeset e tjera te shoqerise civile, atehere bashkia nuk do te hidhte dot vickla per problemin ne fjale.
Fatkeqesi te shikosh sa primitiv eshte aksioni i shoq.civile dhe cfare rezultati qesharak ka. Mjafton Ristani apo Saliu i vetem per ta zmbrapsur ate. Kjo dhemb!

Secili prej nesh punen duhet ta kryeje dite per dite ne menyre sistematike. Po ashtu detyrimet morale ndaj shoqerise dhe vendit. Ne rradhe te pare ne tavolinat tona te punes, ne zyra. Sepse ne kete detyrim e kryejme si mos me keq, prandaj edhe ndeshemi me kete realitet qe shkon cdo dite e me per keq.

Se fundmi dua tju siguroj se nuk kam asgje personale me Shkrelin, por e zura si shembull pasi vegjeton ne te njejten sfere si une. Sfere e cila personifikon zhvillimin tone, si ecje kuturu pijanecesh te pa pergjegjshem, ne pritje te daljes se pijes. Por dicka duhet tja kujtoj Shkrelit ne menyre qe veprimi i tij te jete akoma me civil, dhe te tjereve qe ndoshta nuk e dine apo e kane harruar. A nuk do te ishte me mire per parkun tone kombetar qe, hapesira ku dikur u ndertua me leje provizore “1000 Selvite”, ti kthehej perseri parkut per tu mbjelle me peme, sesa te ndertohej mbi te nje goxille tjeter betoni?
Do te ishte mire qe aksioni per te moralshmen dhe racionalen te behet njesoj cdo dite dhe pavaresisht protagonisteve.
Respekte!