Pagat, INSTAT “shfryn” Berishën, rritja 4.8%

6 Korrik 2012 | : Ekonomi,Kryesoret | Autor:

Shifrat

Loja e Kryeministrit me inflacionin dhe pesha te familjet

Rritja e pagave mesatarisht nuk shkon më shumë se 2500 lekë, por nëse heqim taksat, bëhet 2000 lekë

Rritja e pagave në kohë krize ka vënë në pikëpyetje aftësinë e qeverisë shqiptare për gjetjen e burimeve të financimit. Deklaratat e Kryeministrit për shtesa, që shkojnë dy-tre herë më shumë se sa niveli i inflacionit, bien ndesh me statistikat “kokëforte” të INSTAT-it, sipas të cilës deri në qershor, paga mesatare në shtet ishte 48.800 lekë dhe me rritjen e re nuk shkon më shumë se 51.300 lekë, gjithnjë sipas variantit zyrtar të Kryeministrit. Pra, diferenca del me një rritje jo më shumë se 5 për qind, ose 4.8 për qind dhe larg premtimit për 7 deri në 10 për qind.

Arka e shtetit nuk ka para dhe kjo duket qartë nga vonesat në hartimin e buxhetit të ri, i cili duhet të kishte mbërritur në kuvend. Kryeministri foli para kohe për rritje page, duke luajtur me shifrat dhe u tha shqiptarëve se po i rriste me 2.5 herë më shumë, por duke e krahasuar me vitin 2005. Për vitin 2011 nuk mund ta thoshte, pasi diferenca nuk tregonte aq vlerë sa mund të bënte reklamën e madhe.

Kryeministri nuk ka vënë në siklet vetëm ministrin e tij të Financave, por edhe vet INSTAT-in, i cili me shifrat e raportuara deri më tani, rrëzon tezën për rritje të “madhe” pagash. Diferenca me çfarë ishte dhe deri ku mund të shkojë është mesatarisht 2500 lekë, e, nëse i zbresim taksat, del më pak se 2000 lekë në muaj.

Pagat mesatare, që pësojnë rritje pas datës 15 korrik, janë deklaruar nga qeveria në masën bruto, pra, duke mos e zhveshur nga taksat. Kështu, sipas qeverisë, me nivelin e ri të rritjes, paga mesatare e arsimtarit në arsimin e mesëm arrin në 594 mijë lekë, por, nëse heqim taksat, në xhep shkojnë 40 mijë lekë mesatarja, po ashtu edhe me arsimtarin e shkollës 9-vjeçare, kurse më keq del paga për infermierët, që me rritjen bruto, arrin në 30 mijë lekë.

Shpenzimet për paga vitin e kaluar ishin rreth 1.4 miliardë lekë më të larta ose rreth 2.5 për qind më shumë se viti 2010, si rrjedhojë e vendimit për politikë të re të rritjes, pavarësisht se FMN-ja ishte kundër. Edhe këtë vit fatura pritet të jetë të paktën 1.5 miliardë lekë. Në vitin që lamë pas, qeveria shpenzoi rreth 58 miliardë lekë vetëm për fondin e pagave dhe për këtë vit pritet të arrijë deri në 60 miliardë lekë.

Sikurse duket nga grafiku, rritja më e madhe e fondit të pagave ishte në vitin 2008, me rreth 12 për qind, kurse në vitin 2009 pësoi rënie me 4 për qind.

A.K.

 

Autor te 6 Korrik 2012. Ekonomi, Kryesoret. You can follow any responses to this entry through the RSS 2.0. You can leave a response or trackback to this entry
  • Vjosa

    Po ku pyet ky sundimtar se cfar kosto ka populli po te riten rogat!?! Ai nenepunes ka bere dhe roga u jep atyre qe e mbajne ne kembe, qe e mbajne ne pushtet, ata qe sakrifiohen per te, atyre qe pavarsisht se mund te jene analfabet i ka bere nenepunes, ata qe kane lene kraben ne Cerem, Pac, Vicidol dhe i ka bere drejtora. Atyre edhe kesaj radhe u dha ca therime se do t’i duhen vitin tjetert’i perdore mish per top.
    Ne se kete veprim do ta kishte bere nje kryeminister ne nje vend tjeter te botes, pa u konsultuar as me ministrin e financave diten tjeter me siguri do te jepte doreheqje ai ose ministri i finacave dhe tere te tjeret. Po ketu i thone ceceni qe sondohet nga nje salhi.

    • MALOKU

      Kur ishte ne opozite doktor rumpalla bente gjynafqarin. Tani zgerdhihet dhe ben humoristin. E bukura do jete kur te jape llogari per pislliqet qe ka bere gjith keto vite.

  • Tajari

    Po avashni mo, se po na mbysni Ridvanin! Si duken bathet e priftit nuk u duhet me .He si thua ti Edmond Spaho si kryetar i komisionit te ekonomise,duhet me Ridvani apo jo.Sipas fotos nuk u duhet.Mbyteni mbyteni po u “kap ligji” dhe u denon,se saliu eshte per zbatimin e ligjit!?