Berisha-Ramës: Të votojmë heqjen e imunitetit, mos blloko integrimin e vendit

1 Gusht 2012 | : Politikë | Autor:

Kryeministri Sali Berisha, në mbledhjen e sotme të qeverisë i ka bërë sërish thirrje kreut të PS, Edi Rama që të votojnë së bashku heqjen e imunitetit më 6 gusht. Berisha në fjalën e tij iu referua një letre që kishte marrë nga komisioneri i BE-së, Stefan Fyle, ku sipas tij heqja e imunitetit ishte një kusht i rëndësishëm për integrimin.

“Fyle më ka dërguar një letër ku më përgëzon për reformat, por kërkon përmbushjen edhe të imunitetit. Bëri të qartë se detyrim madhor duhet të jetë qëndrimi ynë ndaj imunitetit”, – komentoi kryeministri.

Ai e ftoi Ramën që të linte mënjanë retorikat boshe dhe të bashkoheshin për të rrëzuar murin e korrupsionit dhe për t’i hapur rrugën vendit tonë drejt reformave të rëndësishme.

“Ne kemi në dorë të rrëzojmë së bashku murin e korrupsionit, që i ka zënë derën procesit të integrimit të vendit. Të votojmë në një akt historik, një hap që e presin shqiptarët kudo që ndodhen, sepse duan progresin e Shqipërisë drejt Europës”, – tha Berisha.

Berisha i ka kujtuar kreut të PS se, nëse bllokon edhe një herë statusin e vendit kandidat, atëherë votuesit shqiptarë do ta ndëshkojnë në zgjedhjet e ardhshme, duke theksuar gjithashtu se mazhoranca ka bërë gjithmonë lëshime kur ka ardhur puna për kërkesat e opozitës lidhur me imunitetin.

1 gusht 2012 (gazeta-Shqip.com)

Autor te 1 Gusht 2012. Politikë. You can follow any responses to this entry through the RSS 2.0. You can leave a response or trackback to this entry
  • Famagjo

    per cfar korrupsipni flet ky mor jahu,ate korupsion qe fillon nga familia e tij,nga zyra e tij,nga ministrat e tij,nga gjyqtaret etij,nga nenpunesit e administrates shtetrore,cdo korrupsion cdo krim i drejtperdrejt apo i terthort ka doren e tij dhe vulen e tij,kudo ne shqiperi eshte dora dhe vula e berishes,korupsionin e dhe vjedhiet e bashes,metes,e te tjere eshte dora e tij qe i shpetoi qe nuk u futen ne burge.berisha i kaqe shume borxhe popullit dhe Shqiperse te cilat
    do ti paguaj shume shtrenjte ai dhe lakejte e tije.