Aktualitet Zbardhet vrasja e Orikumit, autori dyshoi se viktima i ngacmoi gruan

Zbardhet vrasja e Orikumit, autori dyshoi se viktima i ngacmoi gruan

722
SHPËRNDAJE

Arrestohet Bekim Hibraj: Nuk e kam vrarë unë peshkatarin

Mikel Marsi

Sokol VeiziZbardhen motivet e vrasjes së peshkatarit Sokol Veizi në Orikum të Vlorës dhe arrestohet autori i dyshuar i krimit të rëndë. Ngjarja mendohet se ka ndodhur, pasi autori dyshonte që viktima ngacmonte apo kishte lidhje intime me bashkëshorten e tij, megjithëse nuk përjashtohen edhe përplasje për pista të tjera mes tyre. Policia e Vlorës ka deklaruar dje zyrtarisht se ka identifikuar dhe ka kapur autorin e dyshuar të vrasjes së ndodhur më 25 gusht në qytetin e Orikumit. Burime zyrtare të policisë lokale bëjnë të ditur se në orët e para të mëngjesit u arrestua 38-vjeçari Bekim Hibraj, i dyshuar si autor i vrasjes së 41-vjeçarit Sokol Veizit. Mësohet se akuza e policisë ndaj Hibrajt bazohet në një provë shkencore të siguruar në vendin e ngjarjes, por që nuk bëhet e ditur për shkaqe hetimi. Gjithashtu, mendohet se vrasja e mësipërme erdhi si pasojë e një konflikti për motive të dobëta. Grupi hetimor ka shpjeguar se, kur janë takuar dy personat, kanë debatuar për disa minuta për shkak të dyshimeve që kishte autori për viktimën. Grupi hetimor mendon se autori dyshonte që bashkëshortja e tij ngacmohej ose kishte lidhje intime me viktimën. Në këto kushte, ai ka menduar të kryejë vrasjen. Megjithatë, sipas pretendimeve të dëshmitarëve në vendin e ngjarjes, autori mendohet se nuk e njihte personalisht viktimën, kështu që, pasi e ka plagosur në këmbë, ka parë dokumentin e identifikimit të tij dhe më pas e ka qëlluar me një tjetër plumb në kokë. Policia tha se pas këqyrjes së vendit të ngjarjes, ka gjetur disa prova të rëndësishme, të cilat kanë vërtetuar dyshimet mbi të arrestuarin, i cili gjatë dëshmisë së tij, ka deklaruar se nuk e njihte personalisht Sokol Veizin dhe që nuk ishte takuar asnjëherë me të. Madje, ai nuk e ka pranuar vrasjen në asnjë moment, e për më tepër motivin e krimit. 41-vjeçari Sokol Veizi u vra me armë zjarri në orët e mbrëmjes së datës 25 gusht në qytetin e Orikumit, 20 km në jug të Vlorës, ku ai banonte. Ai rezultonte me precedentë penalë për trafiqe të paligjshme, ndërkohë që dëshmitarët kanë qenë personat kyç për rindërtimin e skenës së krimit nga ana e policisë. Sipas tyre, viktima po rrinte në ambientet e jashtme të lokalit ku ndodhi ngjarja, duke konsumuar një pije, kur pranë tavolinës së tij është afruar një person me kokore në kokë. “Na la përshtypje dhe ndaluam hapat për të parë se çfarë po ndodhte mes tyre, dëgjuam që personi me kokore në kokë i tha se po e gënjente për emrin e tij. Me sa kuptohej, e kishte pyetur për emrin, por viktima i kishte deklaruar emër tjetër. “Në debate e sipër, autori nxjerr pistoletën dhe e qëllon me një plumb në njërën këmbë dhe më pas largohet duke i thënë të mos tregonte çfarë i kishte ndodhur, duke i kërkuar ndjesë për çka ndodhi. Pas largimit për disa metra, i futur në errësirë, autori rikthehet përsëri te viktima, të cilit i kërkoi dokumentet e identitetit. Duke e tërhequr për krahu drejt makinës së tij, mbasi shikon disa dokumente, viktima tentoi ta fuste trupin në makinë. Në ato momente autori e kapi prej krahu dhe e qëlloi me një plumb në kokë, duke i shkaktuar vdekjen e menjëhershme”, kanë rrëfyer dëshmitarët, të cilët nuk e kanë njohur autorin.