Gjakmarrja, Metropolia e Shkodrës shpall dekretin e çkishërimit

Metropolia e Shkodrës, Sapës dhe Lezhës shpall të martën dekretin që çkishëron të gjithë katolikët shqiptarë që kryejnë vrasje apo marrin gjak. Fenomeni i gjakmarrjes, i shtrirë më së shumti në zonat veriore të banuara nga shqiptarët katolikë, si dhe rritja e rasteve të vrasjeve për gjakmarrje, kanë sjellë reagimin ekstrem të Kishës Katolike.

Shpallja e dekretit do të bëhet gjatë pasdites, në orën 18.30 në kishën katedrale të qytetit të Shkodrës.

“Dekreti është për të gjithë ata që vrasin apo marrin gjak”, thuhet në njoftimin për shtyp, ku përmenden rastet e ndodhura së fundmi që nuk kanë kursyer as fëmijët.

Pak ditë më parë, një 49-vjeçar u ekzekutua me armë zjarri pranë banesës së tij në fshatin Dukagjin të qarkut të Shkodrës. Autoritetet lokale njoftuan se viktima ishte shtetasi Marash Tonaj, ndërsa shkak për vrasjen është bërë gjakmarrja.

Rastet e gjakmarrjes në këtë zonë janë shumë të shpeshta dhe janë kthyer në një fenomen shqetësues, pasi si pasojë e këtyre rasteve shumë fëmijë detyrohen të ngujohen duke mos arritur të ndjekin as shkollën.

18 shator 2012 (gazeta-Shqip.com)

Autor te 18 Shtator 2012. Kryesoret, Sociale. You can follow any responses to this entry through the RSS 2.0. You can leave a response or trackback to this entry
  • [email protected]

    Kjo nisme e prifterve eshte shume e qelluar dhe bravo u quft.Kete duhet ndihmu edhe qeveria dhe organet e sigurise.Po ashtu duhet vepruar edhe kleri musliman dhe ai ortodoks.Ata te cilet e thejn kete betim te perjashtohen nga besimi i cili i perkasin dhe te mallkohen nga kulti i vet.

    • ab

      Mire mor z.Izber,por puna eshte se ata qe vrasin gra e femije per gjakmarrje nuk kane as bese e as fe e aq ju bene nese i çkisherojne.

    • x

      Myslymanet dhe ortodokset nuk kane pune kete ceshtje. Ketu behet fjale per gjakesit katolike. Ky problem eshte i perhapur te malesoret katolike.

  • ab

    Ata qe vrasin gra e femije per gjakmarrje,s’kane as bese e as fe,dhe aq ju ben nese i çkisheron mitropolia apo vete Papa.Shteti dhe vetem shteti mund dhe duhet ta zgjidhe kete problem te madh.Por per fat te keq shteti ne Shqiperi nuk ekziston.