Austri, shtëpia ku lindi Hitleri nuk do të bëhet memorial

Shtëpia ku ka lindur Hitleri, Braunau, Austri

Shtëpia ku lindi Adolf Hitler në Braunau nuk do të bëhet memorial. Lajmi është konfirmuar nga sindikata e qytezës austriake në kufi me Gjermani. “Ka mjaftueshëm vende përkujtimore “, ka thënë për gazetën “Kurier”, kryetari i bashkisë.

Godina, e cila në të kaluarën është përdorur si laborator, prej një viti është bosh. Ministria e Brendshme i paguan pronarit një qira mujore prej 4.700 euro, sepse kërkon të pengojë kthimin e godinës në një lloj “vendi pelegrinazhi për personazhe me ideologji të çuditshme”.

Ndërkohë social-demokratët kanë propozuar që godina të  bëhet “një shtëpi paqeje”, seli e iniciativave sociale. Ndërsa kreut të bashkisë, anëtar i partisë popullore “Oevp”, nuk i pëlqen fakti që Braunau të kujtohet gjithmonë si vendlindja e Hitlerit.

“Hitler ka jetuar këtu vetëm tre vitet e para të jetës. Për këtë arsye qyteti nuk do të marrë përsipër përgjegjësitë për Luftën e Dytë Botërore” , ka thënë ai për të përditshmen “Der Standard”.

20 shtator 2012 (gazeta-Shqip.com)