Fëmijët e emigrantëve në Greqi mund të lëvizin për Pashkë

Fëmijët e emigrantëve në Greqi mund të lëvizin për Pashkë

30
0
SHPËRNDAJE

kakavijeAthina “lëshon pe” pas bllokimit disamujor

Pas bisedimeve maratonë që zgjatën pothuajse dy muaj, më në fund qeveria greke ka vendosur të lejojë përkohësisht lëvizjen e lirë të fëmijëve shqiptarë të lindur në Greqi, që në pasaportat e tyre shqiptare toponimet janë shkruar në gjuhën shqipe. Lajmi publikohet nga Ministria greke e Mbrojtjes së qytetarit dhe konfirmohet edhe nga ambasada jonë në Athinë. Sipas informacioneve të bëra publike, lëvizja e fëmijëve do të lejohet me rastin e Pashkës Ortodokse dhe përfundon në datën 12 maj. Pas këtij afati do të rikthehet sërish rregulli i vjetër në lëvizjen e qytetarëve shqiptarë, deri në zgjidhjen përfundimtare të problemit që mban peng mijëra emigrantë shqiptarë në të dyja anët e kufirit. Siç dihet, Greqia ka penguar lëvizjen e fëmijëve të lindur në Greqi, nën pretekstin se në pasaportat biometrike toponimet greke janë shkruar në gjuhën shqipe. Për zgjidhjen e këtij ngërçi janë ngritur grupe pune, por ende nuk ka pasur ndonjë rezultat konkret. Pala greke insiston në korrigjimin e toponimeve greke për t’i shkruar në anglisht, sipas konventave ndërkombëtare.