Kryesoret Sondazhi: E majta 50.5%, e djathta, 42%

Sondazhi: E majta 50.5%, e djathta, 42%

179
SHPËRNDAJE

Partitë

Në sondazhin e publikuar në “Vizion Plus”, 37.5 për qind e të anketuarve përgjigjen se do të votojnë Partinë Demokratike, 42.5 për qind Partinë Socialiste, 5 për qind LSI-në, FRD-në 5 për qind dhe AK-në 2.5 për qind.

Publikohet anketimi i dytë i “Piepoli”-t. FRD në një nivel me LSI me 5%

Të pavendosurit – Ajo që bie në sy është se të pavendosurit për të votuar janë ulur, në krahasim me sondazhin e parë. Vetëm 11 për qind e të anketuarve janë të pavendosur se për kë do të votojnë, ndërsa 89 për qind e kanë vendosur tashmë.

Koalicionet – Sipas Institutit “Piepoli”, 42 për qind përgjigjen se do të votojnë për “Aleancën për Punësim, Mirëqenie dhe Integrim”, dhe 50.5 për qind për “Aleancën për Shqipërinë Europiane”.

Tirana – “Piepoli” ka zhvilluar një anketim edhe për Qarkun e Tiranës, sipas të cilit e majta fiton me 52 për qind, ndërsa e djathta me 40 për qind. FRD është në kuotën e 6 përqindëshit

Të intervistuarit – Sa u përket të intervistuarve nga instituti “Piepoli”, 51 për qind e tyre janë femra, ndërsa 49 për qind meshkuj

Grupmosha – 37 për qind e të intervistuarve është 35-54 vjeç, mbi 54 vjeç janë 29 për qind, ndërsa nën 35 vjeç janë 35 për qind e tyre.

Herion Mesi

sondazhNëse shqiptarët do të ftoheshin t’u drejtoheshin kutive të votimit më 23 maj, zgjedhjet do të fitoheshin nga koalicioni i drejtuar prej Edi Ramës me rreth 8.5 për qind më shumë të votave sesa koalicioni i djathtë. Është ky përfundimi i rezultatit të sondazhit të dytë të realizuar nga instituti italian “Piepoli”, i cili u publikua mbrëmjen e djeshme në “Vizion Plus”. Konkretisht, sipas sondazhit, koalicioni i majtë udhëheq dhe në këtë sondazh të dytë, duke marrë 50.5 për qind të votave të të intervistuarve, ndërsa koalicioni i djathtë ka 42 për qind. Ndërsa sa i përket përqindjes së votave për partitë, Partia Socialiste, sipas ekspertëve zgjedhorë, merr 42.5 për qind të votave, kurse Partia Demokratike ka 37.5 për qind. Ajo që bie në sy në këtë sondazh, është fakti që ndryshe nga sondazhi i pak ditëve më parë që u realizua nga kompania tjetër italiane “IPR Marketing”, rezulton se dy partitë e reja që do të garojnë të vetme më 23 qershor, FRD-ja dhe AK-ja, janë futur në përllogaritjen e votave të publikut. Sipas sondazhit, rezulton se FRD-ja e Bamir Topit dhe LSI-ja e Ilir Metës kuotohen me të njëjtën përqindje të votuesve, ku të dyja këto forca kanë marrë nga 5 për qind të votave. Ndërsa Aleanca Kuqezi e Kreshnik Spahiut ka humbur 3 pikë nga përllogaritja e një muaji më parë, ku nga 5.5 për qind që kishte në prill, për muajin maj ajo ka rënë në 2.5 për qind.

Qarku i Tiranës

Numerimi i votave per zgjedhje

Ekspertët e institutit “Piepoli”, në këtë sondazh të dytë kanë realizuar dhe një sondazh të veçantë vetëm në Qarkun e Tiranës. Konkretisht, sipas sondazhit, sa i përket qarkut më të madh të vendit, ndryshe nga përllogaritja e votës në të gjithë vendin, në Tiranë koalicioni i majtë është plot 12 pikë përpara. Sipas sondazhit, rezulton se “Aleanca për Shqipërinë Europiane” udhëheq me 52 për qind të votave, ndërsa koalicioni i djathtë i drejtuar nga Partia Demokratike, “Aleanca për Punësim, Mirëqenie dhe Integrim” merr vetëm 40 për qind të votave. Edhe në këtë sondazh, bie në sy se Fryma e Re Demokratike është kuotuar një pikë më shumë sesa në sondazhin e përgjithshëm, e cila ka arritur të marrë 6 për qind të votave në Qarkun e Tiranës, kurse Aleanca Kuqezi vetëm 2 për qind. Sa u përket përqindjeve si parti të votave në total, në Tiranë, PS-ja merr 47 për qind të votave, kurse LSI-ja merr 4 për qind. Ndërsa në koalicionin e djathtë, PD-ja merr 37 për qind të votave, ndërsa 3 për qind shkojnë për partitë e tjera.

Orientimi i votës

Nëse shqiptarët do të votonin sot, sipas sondazhit të “Piepoli”-t, 81 për qind e tyre pohojnë se do të shkonin në kutitë e votimit. Shqiptarët shprehen me siguri se po 73 për qind, sigurisht jo 16 për qind, ndoshta jo 3 për qind, ndoshta po 8 për qind. Në krahasim me sondazhin e muajit prill, Partia Demokratike dhe ajo Socialiste rriten me nga 2.5 për qind secila. Ndërsa në total në koalicione, e djathta është rritur me 2 për qind dhe e majta me 1.5 për qind. Mbështetja për FRD-në ka rënë me 0.5 për qind, për AK-në me 3 për qind. Në Qarkun e Tiranës 13 për qind e të anketuarve nuk mendojnë të votojnë, ndërsa 87 për qind mendojnë të shkojnë drejt kutive të votimit. Nga këta 15 për qind janë të pavendosur për votën e tyre dhe 85 për qind janë të vendosur.

Liderët

Në këtë sondazh të dytë të studimit, u dhanë edhe të dhëna me përqindjet për popullaritetin e figurave kryesore politike, Rama, Berisha apo Topi, ku më i preferuari nga shqiptarët, sipas ekspertëve italianë, është kuotuar kryetari i opozitës, Edi Rama. Konkretisht Rama gëzon pëlqimin e 51 për qind të të anketuarve, i dyti renditet lideri i Partisë Demokratike, Sali Berisha, i cili ka marrë 45 për qind të votave. Ndërsa kreu i FRD-së renditet i treti për nga pëlqyeshmëria e shqiptarëve, i cili gëzon mbështetjen e 43 për qind të të anketuarve.

Sondazhi

Sondazhi është realizuar përmes 1000 intervistave telefonike në të gjithë territorin shqiptar, dhe marzhi i gabimit, sipas ekspertëve italianë që realizuan këtë sondazh, është afro 3 për qind. Në këtë material shtrohen pyetje të situatës social-ekonomike, nga papunësia, kosto e jetesës, korrupsioni, kriminaliteti, paqëndrueshmëria politike apo gjendja e infrastrukturës. Pyetjes se cili është problemi më shqetësues në Shqipëri, të anketuarit i janë përgjigjur: papunësia 48 për qind, kosto e jetesës 13.3 për qind, korrupsioni 7.5 për qind, shëndetësia 4.7 për qind, kriminaliteti 3.8 për qind, paqëndrueshmëria politike 2.7 për qind, mungesa e infrastrukturës së duhur, si p.sh.: rrugët 2.6 për qind, transparenca në administratën publike 2 për qind, mungesa e shërbimeve 1.2 për qind.

 

Anëtarësimi në BE

Një nga çështjet thelbësore, sipas opinionit të shqiptarëve të anketuar në këtë sondazh, është anëtarësimi në Bashkimin Europian. 91.8 për qind e të anketuarve mendojnë se nëse Shqipëria bëhet pjesë e familjes europiane, ata do të përfitojnë garanci për shërbime shëndetësore, 91.2 për qind mendojnë se do të kenë shërbime më të mira në kopshte dhe shkolla, 89 për qind besojnë në anëtarësimin e Shqipërisë në BE, 85.3 për qind besojnë për punësime dhe pagesa, bazuar mbi sistemin e meritokracisë.

 

Liderët

Në këtë sondazh të dytë të studimit, u dhanë edhe të dhëna me përqindjet për popullaritetin e figurave kryesore politike, Rama, Berisha apo Topi, ku më i preferuari nga shqiptarët, sipas ekspertëve italianë, është kuotuar kryetari i opozitës Edi Rama. Konkretisht Rama gëzon pëlqimin e 51 për qind të të anketuarve, i dyti renditet lideri i Partisë Demokratike, Sali Berisha, i cili ka marrë 45 për qind të votave. Ndërsa kreu i FRD-së renditet i treti për nga pëlqyeshmëria e shqiptarëve, i cili gëzon mbështetjen e 43 për qind të të anketuarve.