Kryesoret Samanta Karavello fiton “Top Fest 10”

Samanta Karavello fiton “Top Fest 10”

827
SHPËRNDAJE

samanta2

Samanta Karavello është fituesja e edicionit të dhjetë të “Top Fest” me këngën “Lot i fundit”. Me tekst të Olti Currit dhe muzikë të Kledi Bahitit, Samanta Karavello ka sjellë një interpretim të shkëlqyer me këtë këngë, e cila i ka dhënë dhe çmimin “Zëri më i mirë femëror” në këtë festival. Çmimi i është dorëzuar nga fituesja e edicionit të 9-të të “Top Fest” Elhaida Dani, e cila ishte dhe e ftuara e nderit e këtij festivali. “Ndihem e lumtur, nuk mundem ta besoj”, tha e emocionuar Samanta. Teksa përgatitej të jepte trofeun e këtij edicioni, Elhaida Dani tregoi se kupa që kishte marrë në “Top Fest” kishte qëndruar në dhomën e saj midis trofesh të tjerë, por ishte më i rëndësishmja në karrierën e saj. Një spektakël i jashtëzakonshëm, plot ritëm dhe surpriza ka kurorëzuar mbrëmjen finale të edicionit të dhjetë të festivalit të muzikës moderne shqiptare “Top Fest”. Nën drejtimin e Ledion Liços dhe dy motrave Luana dhe Marina Vjollca për më shumë se dy orë jubileu i “Top Fest”, u kthye në një mbrëmje të paharrueshme. Një performancë tepër energjike ka ardhur nga trupa e baletit e “Top Channel” ku kanë interpretuar dhe dy prezantueset Luana dhe Marina. Fituesit e “Top Fest” në këto dhjetë vite janë ngjitur dje në skenën e festivalit duke kënduar këngët që i shpallën fituese. Alban Skënderaj, Mentor Haziri, Eneda Tarida, Stine, Greta Koçi, Elhaida Dani kanë interpretuar pjesë nga këngët që i kurorëzuan me kupën e “Top Fest”. Juria që vlerësoi 13 këngët konkurruese ishte e përbërë nga emra të njohur të skenës si Genti Rrushi, Eneda Tarifa, Altin Goci, Alma Bektashi dhe këngëtarja që tashmë ka bërë krenar çdo shqiptar me suksesin e saj, Elhaida Dani. Artisti më i mirë mashkull është vlerësuar këngëtari Andos me këngën “Luftë e humbur”. Çmimi i është dorëzuar Andosit nga këngëtarja Eneda Tarifa. Çmimin “Grupi më i mirë” i ka shkruar grupit “Ofchestra”. Çmimi “Best new artist” (Artisti më i mirë i ri) i ka shkuar “The code” me këngën “Apokalips”. Çmimi i është dorëzuar këngëtares nga Lori Hoxha në emër të fondacionit “Dritan Hoxha”. Me çmimin e internetit është vlerësuar këngëtarja Marsela Çibukaj me këngën “Ndjenjë pa kohë”. Çmimin “Top Albania Radio” e ka marrë Naza me këngën “Dëgjo zemrën”. Çmimin “Best Pop NRB” e mori Ajsel me këngën “Nuk kam më lot”. Me çmimin “Best Pop Rock” është vlerësuar Kamela me këngën “Pa limit”. Çmimi “Zëri femëror më i mirë” i ka shkruar këngëtares Samanta Karavello me këngën “Lot i fundit”. Çmimi “Balada me e mirë” ka shkuar për këngëtaren Albërie Hadërgjonaj me këngën “Asnjëherë”. “Ky çmim do të thotë shumë për mua. Jam e lumtur pafund”, tha këngëtarja teksa këngëtari Alban Skënderaj i dorëzoi kupën e këtij çmimi.

 

24463_2693629595217_1279846488_n

 

Çmimet:

Artisti mashkull më i mirë: Andos me “Luftë e humbur”

Grupi më i mirë: “Ofchestra”

Best new artist: “The code”

Çmimi i internetit: Marsela Çibukaj me “Ndjenjë pa kohë”

Çmimi “Top Albania Radio”: Naza me këngën “Dëgjo zemrën”

Best Pop RNB: Ajsel me “Nuk kam më lot”

Best Pop Rock: Kamela me “Pa limit”

Best female: Samanta Karavelo me “Lot i fundit”

Best Balade: Albërie Hadërgjonaj  me “Asnjëherë”