Emërohet drejtor, gjen në zyrë dosjen për abuzimet personale

Skandali në Qendrën Kombëtare të Kontrollit të Barnave

Ish-eprorët e akuzuan Zhan Levanin për dëm ekonomik, por dosja nuk shkoi kurrë në prokurori

Bledi Gilaj

qendra kombetare kontrollit barnaveEmërimi si drejtor i Qendrës Kombëtare të Kontrollit të Barnave duket se ka qenë një “shpërblim” për Zhan Levanin, i cili kur ishte në funksione më të ulëta në këtë institucion është akuzuar nga ish-eprorët se kishte abuzuar me detyrën, duke shkaktuar një dëm të konsiderueshëm ekonomik. Por, kallëzimi i përgatitur për të mësohet se nuk përfundoi asnjëherë në dyert e prokurorisë, pavarësisht se më parë kishte marrë edhe masa disiplinore, pasi dosja mbeti në sirtarët e këtij institucioni. Kjo, për arsye se drejtori që e përgatiti u largua nga detyra një ditë pasi përfundoi materiali, ndërsa drejtori pasardhës nuk kreu asnjë veprim me këtë dosje. Tashmë, mbetet vetëm që Zhan Levani, drejtori i ri i Qendrës Kombëtare të Kontrollit të Barnave, institucionit që ka për detyrë të kontrollojë, analizojë dhe ruajë mostrat e çdo medikamenti që hyn në tregun shqiptar, të marrë atë dosje dhe të kallëzojë veten në prokurori, me qëllim që të zbardhet nëse ai ka qenë përgjegjës për ato shkelje apo është i pafajshëm.

barna

Zhan Levani, i cili gjatë viteve të fundit ka mbajtur poste të ndryshme në institucionet e shëndetësisë, është emëruar së fundi në krye të Qendrës Kombëtare të Kontrollit të Barnave. Por, historia e tij zë fill më 17 prill 2012, kur mbante postin e shefit të sektorit të regjistrimit në QKKB. Në atë kohë, Levani ka marrë masën disiplinore “Vërejtje me paralajmërim për largim nga puna”, me motivacionin “për informim të pasaktë të titullarit të institucionit mbi administrimin e mostrave (sample) të barnave të dorëzuara për regjistrim/riregjistrim, e në vijim të mostrave të skaduara dhe procedurave për asgjësimin e tyre dhe për detajet e dokumentacionit lidhur me paketimin, që duhet të përmbajë dosja për regjistrim/riregjistrim të barnave”.

Një raport i dy muajve më vonë, i firmosur nga pesë anëtarë të grupit të kontrollit të brendshëm të QKKB, numëron një sërë shkeljesh e parregullsish të vërejtura në punën e sektorit që drejtonte z. Levani. Bëhet fjalë për zhdukjen apo tjetërsimin e kampioneve të barnave që sipas ligjit duhet të qëndrojnë në QKKB. Në raport thuhet se nga sektori i regjistrimit në QKKB nuk janë dorëzuar kampionë për 115 barna, nga 210 të kërkuar. Në raport jepen edhe emrat e barnave, që sipas specialistëve janë kryesisht medikamente për trajtimin e tumoreve, që në ndonjë rast kushtojnë deri në 1000 euro për dozë. Por, as kontrolli, as drejtori i asaj kohe i QKKB-së nuk kanë bërë një përllogaritje të saktë të dëmit financiar që është shkaktuar.

Për këtë arsye, gazeta Shqip kontaktoi me ish-drejtorin e QKKB-së, Besnik Jakaj, i cili mësohet se ka urdhëruar kontrollin për sektorin e drejtuar në atë kohë nga Levani. Ai tha se gjithçka kishte nisur rastësisht, pasi ishte zbuluar se një medikament, i cili me shkresa ndodhej në qendër, por jo fizikisht. “Mbaj mend se në spital ishte dërguar një aktor i njohur dhe na u kërkua një nga barnat që sipas shkresave ne e kishim në QKKB. Menjëherë urdhërova që të jepet ky medikament, por nuk po më jepnin një përgjigje. Më zvarrisnin, më thoshin se nuk po e gjejmë dhe kështu e kuptuam se ai nuk ekzistonte fizikisht, por vetëm në shkresa. Pikërisht për këtë arsye, urdhërova të ngrihet një grup kontrolli. Më pas u realizua kontrolli dhe rezultuan parregullsi, pikërisht nga sektori që drejtohej nga z. Levani”, ka shpjeguar Jakaj për gazetën. Më tej, ai shpjegoi se në kohën që po përfundonte kontrolli dhe po përpilohej materiali për dëmin ekonomik të shkaktuar, pasi do të dërgohej në prokurori, ka dhënë dorëheqjen. “Materiali, pothuajse i plotë më erdhi një ditë para se të lija detyrën”, shpjegon ai.

Kur ka lënë detyrën e drejtorit të QKKB, z. Jakaj, bashkë me dokumente të tjera, ka lënë në tryezën e punës një shënim për pasardhësin, pikërisht mbi dokumentin e raportit të kontrollit në sektorin e regjistrimit. “Për ndjekjen e procedurave të mëtejshme i lihet drejtorit pasardhës në zbatim të ligjit”, ka shkruar me shkrim dore Besnik Jakaj, mbi raportin që tashmë i ka rënë në dorë drejtorit pasardhës. Madje, kjo është protokolluar nga stafi.

Pas ikjes së tij, në krye të QKKB-së u emërua Arif Shahini. Për të mësuar se çfarë ndodhi me këtë material, Shqip kontaktoi edhe me z. Shahini, i cili nuk pati shumë dëshirë t’i kthehej kohës kur ishte në krye të QKKB-së, por shpjegoi veprimet që ka kryer me këtë material. I pyetur për materialin që ishte lënë nga paraardhësi, Shahini shpjegoi se nuk kishte kryer asnjë veprim. “Dosja nuk më është lënë mua, por shefes së administratës. Unë nuk kam ndërmarrë asnjë veprim, pasi nuk jam vënë në dijeni për diçka të tillë”, u shpreh shkurtimisht z. Shahini. Nga ana tjetër mësohet se gjatë kohës që Shahini ka qenë në krye të këtij institucioni, Zhan Levani ka mbajtur detyrën e shefit të shërbimit farmaceutik në QSUT.

Nga ana tjetër, nga burime të tjera pranë QKKB-së mësohet se kjo dosje ndaj Levanit, e përgatitur nga paraardhësit e tij, është ende në ambientet e QKKB-së dhe tashmë si drejtor pasardhës, i dyti në radhë, i mbetet të dërgojë veten në prokurori për të mësuar nëse ka bërë shkelje gjatë qëndrimit në detyrën e shefit të sektorit të regjistrimit në këtë institucion.

 

Autor te 4 Shkurt 2014. Kryesoret, Sociale. You can follow any responses to this entry through the RSS 2.0. You can leave a response or trackback to this entry
  • Artani

    Emerimi i Zhan Levanit ka qene nje zhgenjim shume i madh . Ai eshte caktuar ne kete detyre per interesa te ngushta personale.Ka 4 muaj qe QKKB eshte bere nje institucion pengese dhe konflikti ne te gjitha drejtimet fale Sulltanit te ri Zhan Levani Eshte mire qe kjo qeveri te informohet rreth veprimtarise te ketij individi e mos prishi imazhin me figura problematike te korruptuara.

    • Edi

      Me sa duket Shqiperia dhe shqiptaret nuk kane per te shpetuar kurre nga ligji i “Xhungles” dhe te “te fortit”. Si mund te vihen ne krye te institucioneve perseri njerez te korruptuar sistematikisht per intersa personale deputetesh?????

      A mund te behet rilindje me Zhan Levanin? Ky eshte skandal!!!!

      • manuel vila

        PO CFAR FLITNI MORE ,KY NJERI ESHTE I YNI ,(LSI)lidhja siunave t inatosur -….KY SOI-SOROLLOP TANI KANE MARRE HIPOTEKAT PORTET DOTE ZGJIDHIN LIGJIN 7501 DHE DO TU A SHESIM TOKEN NORVEGJEZEVE IKANE BERE LLOGARITE ME BLLOK NE DORE ,ME NDIHMEN E ILIR FLORIRIT , E MBUSHET KUPEN ,FELLIQESIRA …….VETE GJYGJSI ME JU SE LIGJIN E KENI JU HAJDUTERIA POPULLI!!!!!!

  • Vezhguesi

    Zhan Levani drejtor i QKKB! Thjesht nje kalim nga Arifi i paarsimuar mire dhe i korruptuar qe ne emerim (tarifat fare te hapura), tek nje personazh akoma me negativ dhe krejt i papershtashem per asnje pozicion ne administrate. Zhani…, nisur karrieren pas diplomimit problemor si hajdut dhe shites barnash te vjedhura prane kompanive farmaceutike ku fillimisht ishte punesuar. zhani nuk shkon ne vendlindje por punesohet ne kompani farmaceutike per te kryer punet e pista perkundrejt perfitimeve personale. Punesohet me tej ne administarten shteterore ne saje te lidhjeve dhe sherbimeve qe u kishte bere boseve te kompanive kur keta futen ne dore merimet ne administarten farmaceutike. Vazhdon karrieren ne QKKB si drejtues i regjistrimit,..aty ku vjedh dhe zhvat fare hapur pa i marre doren as ish-shefit te tij B.Jakaj!! Per kete konfliktohet dhe largohet nga ai post per te shkuar ne nje post tjeter jo me pak te lakmuar (shefit të shërbimit farmaceutik në QSUT),…ishte koha e drejtimit nga LSI, kur posti dhe paraja shkonin bashke per cdonjerin qe do kalonte ne ate llogore. Me ardhjen e RILINDJES, nje personazh me te kaluar te tille u pa si me i pershtatshem per tu sherbyer boseve te rinj te monopolit te barnave. Edhe Zhani vet realizon njeheresh interesat e tij por me shume ato te Bosit te Madh te Monopolit te Barnave dhe vetem ky eshte kushti qe duhet te permbushe Zhani nga Levani. Rrofte “RILINDJA”!!!

    • andi

      Mesa duket nuk paske informacione per Z. Shahini eshte nje nder drejtorat me te sukseshem te QKKB-s dhe padyshim nje profesionist i shkelqyer ne kete fushe …

  • koha per drejtesi

    Kaq e veshtire eshte qe departamenti antikorrupsion i kryeministrit te ushtroj nje kontroll dhe te bej shembull nje rast te paster korrupsioni, abuzimi, paaftesie, klientelizimi per te mos thene me shume.
    kaq veshtire e ka Kontrolli Larte i shtetit per te bere nje kontroll rutine
    Kaq veshtire e ka prokuroria per te nisur hetimet kryesisht….
    Nese heshtet e vetmja gje qe te vjen ndermen eshte proverbi… kur i var ujkut melçite ne qafe….
    Koha per Drejtesi

    • Vezhguesi

      …pse ore, mendon se e duan drejtesine klani monopolist qe e ka vu Zhanin dhe sponsorizuesi kryesor i “Rilindjes”???
      Koha per shaka…haha!!! koha per te mashtruar naivet;)

  • Arjana

    Ore po ky Zhani kur u be me Rilindjen…po ky na ka mbledhur me Lulezim Bashen te hotel Tirana ku na priste e na percillte sikur ishte sekretari i Lulit. Per te mbushur sallen dhe per tu dukur sa me “i zellshem” na kishte mare edhe dy farmacistet e tjere te familjes babain dhe gruan… Hajde..hajde ca behet!!!!

    • Astriti

      Po ti nuk e ke mare vesh akoma qe aty nuk eshte vendosur Zhan Levani por Tom Doshi!!! Pyet pak gazetaret qe i corren masken atij hajduti dhe sistemin farmaceutik si po kercenohen nga Toma per te mbrojtur ekzekutuesin e urdhrave te tije. Eh moj Shqipni e mjera Shqipni..

  • andi

    Arif Shahini nje nga njerzit me me pervoj ne fushen FARMACUETIKE eshte turp te permendet emri i tij per afera korruptive !!!

  • Ina

    Mesa di un Ish drejtori i QKKB Z. Arif Shahini ka pasur guximin dhe ballafaqimin me dy palet per te hequr nga puna Z. Levani !!

  • Iliri

    Po si nuk ju erdhi turp atyre personave qe vendosen per emerimin e Zhan Levanit drejtor?
    Turp te keni qe bashkepunoni dhe emeroni nje person te tille qe duke e ditur shume mire se cfare ka bere beni sikur asgje nuk ka ndodhur. Cfare mesazhi po i jepni ketij populli…E qelbet fare kete vend. Sa keq!!!!!

  • Rilindasi

    Mora pushken me luftu Per Vatan e per Atdhe Ku ta dija une i ziu…. ?! Qe armiku ishte ne…!!

  • Rilindasi

    Mora pushken me luftu
    Per Vatan e per Atdhe
    Ku ta dija une i ziu…. ?!
    Qe armiku ishte me ne…!!