Aktualitet Durrës, sherri mes dy familjeve për divorcin, një i vrarë dhe dy...

Durrës, sherri mes dy familjeve për divorcin, një i vrarë dhe dy të plagosur

84
SHPËRNDAJE

pool(I përditësuar)Konflikti mes dy familjeve, i lindur për shkak të prishjes së një kurore, ka degraduar në sherr mes pjesëtarëve të tyre duke shkaktuar një  të  vdekur dhe dy të plagosur me armë zjarri.

Ngjarja ka ndodhur ditën e sotme në zonën e ish-Kënetës, në Durrës. Burimet policore bëjnë të ditur se martesa mes dy të rinjve, Xhuljan Hoxha dhe Antoneta Ndoj, ka zgjatur vetëm dy javë, dhe familja e dhëndrit e ka kthyer vajzën në shtëpinë e babait të saj.

Babai i vajzës, Andon Ndoj, rreth 50 vjeç, me origjinë nga Mirdita, nuk e ka pritur mirë këtë vendim dhe ka debatuar me krushqit, e pasi janë përplasur fizikisht, ka qëlluar me një pushkë në drejtim të tyre. Për pasojë janë plagosur me armë Përparim e Xhuljan Hoxha, si dhe  Nurie Shahini,  kalimtare e rastësishme e  ngjarjes.

Të plagosurit u dërguan menjëherë në spitalin e Durrësit,  por Përparim Hoxha nuk arriti të përballonte plagët e rënda dhe humbi jetën pas rreth një ore në reanimacionin e spitalit të Durrësit.  Ndërkohë policia ka shoqëruar shtetasin Andon Ndoj, i dyshuar si autor i ngjarjes dhe po punon për të zbardhur plotësisht ngjarjen e rëndë.

15 mars 2014 (gazeta-Shqip.com)