Opinion REPUBLIKA E VJETËR SI HIPOKRIZI!

REPUBLIKA E VJETËR SI HIPOKRIZI!

414
SHPËRNDAJE

Hipokrizi doni ju? Hipokrizisë! Kriza që na ka hipur përsipër prej qeverisjes së mbrapshtë.

Ne duam që paraja publike që del nga taksat tona, paraja jonë, pra e investuar, të mos na shitet si dhuratë që na bëhet, por të shkojë atje ku duhet, të ngrejë cilësinë e agjencive publike, të spitaleve dhe shkollave publike.

Jo të shkojë atje ku ja ka ënda ndonjë qeveritari apo ndonjë budallai rrugësh, i paditur, me prirje liberalo-fashiste !

Privatët le të lulëzojnë me buxhetet e tyre. Me dinjitet, por si sipërmarrje krejt të pavarura dhe të ndara nga shteti.

Jo të na marrin paratë tona, dhe pastaj ngaqë shërbimet publike i lënë në ditë të hallit, ne të shkojmë të rripemi nga privatët që nga politikat e gabuara majmen kundër ligjeve të tregut me paratë tona!

Doni hipokrizi! Na hani hipokrizi! Po na rrjepin ngaqë ndiqen politika të gabuara! Republika e vjetër si hipokrizi!

Ne nuk jetojmë në demokraci! Është ndryshe fare ajo! Nuk jetojmë as në autokraci!  Ka disa specifika edhe ajo!

Por, është e sigurt se jetojmë në hipokrizi, si sistem politiko-mediatik, ku tjetër gjë thuhet e propagandohet dhe krejt tjetër gjë bëhet në realitet! Sistemi ynë politik, ekonomik, mediatik, elektoral është : Hipokrizi! Gjuha dhe realiteti janë po aq larg sa gënjeshtrat nga e vërteta.

21 prill 2017 (gazeta-Shqip.com)