Botë Tani mund të përdorni celularin tuaj, hiqen tarifat e roaming-ut brenda BE

Tani mund të përdorni celularin tuaj, hiqen tarifat e roaming-ut brenda BE

2685
0
SHPËRNDAJE

Ligji i Bashkimit Evropian për të shfuqizuar tarifat e roaming-ut për njerëzit që përdorin telefonat celularë jashtë vendit të tyre, ka hyrë në fuqi.

Me rregullat e reja, qytetarët që udhëtojnë brenda BE-së do të mund të telefonojnë, dërgojnë mesazhe dhe të hapin internetin në telefonat e tyre me çmimin e njëjtë që paguajnë në shtëpi.

Komisioni Evropian tha se fundi i tarifave të roaming-ut është njëri prej sukseseve më të mëdha të BE-së.

“Sa herë që një qytetar evropian ka kaluar një kufi të BE-së, qoftë për pushime, punë, studime, apo vetëm për një ditë, atij i është dashur shqetësohet për përdorimin e telefonit celular dhe tarifën e lartë të roaming-ut”.

“Eliminimi i tarifave të roaming-ut është një nga sukseset më të mëdha dhe më të prekshme të BE-së”, tha Komisioni Evropian.

15 qershor 2017 (gazeta-Shqip.com)