Ekonomi Ahmetaj: Programi ekonomik ktheu vendin në binarët e duhur

Ahmetaj: Programi ekonomik ktheu vendin në binarët e duhur

52
2
SHPËRNDAJE

Ministri i Financave, Arben Ahmetaj ka hedhur poshtë pretendimet e kreut të PD, se programi ekonomik i qeverisë “Rama 2” është i dështuar.

“Programi do të çojë përpara transformimin rrënjësor që ka nsiur në çdo sektor. Është një program që i përgjigjet sfidës për të qenë pranë besimit të qytetarëve shqiptarë, që dhanë një votë plebishitare më 25 qershor”, ka deklaruar Ahmetaj.

Ahmetaj ka theksuar se programi ekonomik është i fokusuar tek rritja ekonomike e qëndrueshme dhe favorizimi i klimës së biznesit për investimet e huaja dhe të brendshme.

“4 vitet e kaluara nuk kanë qenë të lehta. Shqiptarët sakrifikuan që vendi të kthehej në binarët e duhur nga rruga ku ishte degdisur. U detyruam të ndërmerrnim reforma të rëndësishme, të dhimbshme e të domosdoshme, që kthyen Shqipërinë në rrugën e normalitetit. Askush nuk harron borxhet e trashëguara nga qeveria e kaluar. Dhe pas këtyre reformash, sot kemi një realitet të ri. Pas 4 vitesh Shqipëria ka një rritje ekonomike 4 herë më të lartë se ajo që gjetëm”, ka shtuar Ahmetaj.

12 shtator 2017 (gazeta-Shqip.com)

  • Besmiri

    Bravo Z. Ahmetaj. Puna juaj ka patur ndikim shume pozitiv ne ekonomine e vendit. Suksese te metejshme.

  • Fatmir

    Fale o Zot, se nuk di se çfare thote.Nuk mund te behet, edhe nuk mund te lexohet,nje program ekonomik qeveritar,nga nje mesues i gjuheve te huaja.Nuk e ka fajin ai qe eshte emruar kryefinancieri e kryekonomisti i shtetit.