Aktualitet Grabitja e banesës, 81-vjeçari: Autorët i ranë ziles dhe gjuajtën gruan

Grabitja e banesës, 81-vjeçari: Autorët i ranë ziles dhe gjuajtën gruan

543
SHPËRNDAJE

Dy të moshuarit nga Vlora  që u grabitën nga 3 persona të maskuar dhe armatosur kanë treguar për mediat atë që ka ndodhur. 81-vjeçari Resmi OsmaiNIT, pronari i shtëpisë, tregoi se grabitësit ishin të armatosur dhe  i kishin ranë ziles së shtëpisë dhe momentin kur gruaja e tij e ka hapur derën ata e kanë goditur.

“Mbrëmë natën i ranë ziles së derës. Unë i thash gruas mos e hap derën, se në fakt 2 pleq ishim, djemtë i kam në Itali. Ngrihet gruaja hap derën. Sapo hap derën ishin dy veta aty, njëri me automatik dhe njëri me levë të gjatë dhe i ra në fytyrë gruas.

Ajo ulëriti dhe ra përtokë. U ngrita unë, siç isha i sëmurë, erdhi njëri më shtyu e më hodhi prap në krevat. Bënë kontroll, nuk lanë vend pa kontrolluar, i hodhën të gjitha të tokë. Na thanë kemi ardhur vetëm për lekë, s’duam gjë. Kishte  rreth 200 mijë lekë të pensionit dhe na i morën.

I hoqën varësen gruas edhe një unazë. 2 persona ishin që na torturonin. Ndërsa jashtë ishte njëri që na ruante. Ishin 3 ose 4 grabitës. Më morën telefonat dhe nuk kisha me çfarë të merrja në telefon policinë. Kisha një telefon të vogël që e vura në karikim për t’i lajmëruar”

Për mediat ka folur edhe gruaja e Resmi Osmanit, e cila tha se ka tentuar që t’i heqë maskën njërit prej autorëve, por që nuk ka mundur.

“Unazën nuk ma morën, më thanë që të mos njoftoja policinë. Unë tentova që t’i hiqja maskën njërit prej tyre, me shpresën se mos e njihja. Në të shumtën e kohës ne jetojmë në Itali tek djali”, tha e moshuara, S. Osmani.

10 tetor 2017 (gazeta-Shqip.com)