Sport Izrael-Spanjë, tifozi në fushë. Kërcënim për Iscon

Izrael-Spanjë, tifozi në fushë. Kërcënim për Iscon

154
SHPËRNDAJE

Një episod që ngjalli panik dhe la të befasuar gjithë tifozët në stadiumin Teddy të Jerusalemit, ku menjëherë pas përfundimit të sfidës Izrael-Spanjë, e vyeshme për kualifikimin në Botërorin  Rusi 2018, 6 tifozë izraelitë vërshuan në fushën e blertë duke thyer edhe radhët e sigurisë.

Siç raporton e përditshmja sportive “The Times of Israel”, një prej tifozëve që zbritën në fushë mbante në dorë një thikë dhe u shkëput nga pjesa e tjetër e grupit duke kërcënuar pikërisht  mesfushorin e Realit të Madridit, Isco. Për fat të mirë tifozi u neutralizua bashkë me 5 agresorët  tjerë të fushës nga forcat e policisë, më parë se të arrinte te spanjolli.

Zëdhënësi i policisë deklaroi menjëherë pas këtij episodi se për këtë takim u morën masat e zakonshme të sigurisë, cka tregon se nuk ka patur asnjë indice për ndonjë atentat të mundshëm. Për asnjë moment Isco nuk ishte në rrezik real, pasi forcat e sigurisë izraelite ndërhynë menjëherë, por mbeti i paqartë fakti se si  kishte hyrë ne stadium ajo thikë.

10 tetor 2017 (gazeta-Shqip.com)