Extra Kuriozitete Masakër natyrore në Namibi, ngordhin 100 hipopotamë

Masakër natyrore në Namibi, ngordhin 100 hipopotamë

420
SHPËRNDAJE

Mbi 100 hipopotamë  janë gjetur të ngordhur në një park kombëtar të Namibisë. Paraprakisht ekspertët dyshojnë se shkaku i kësaj masakre natyrore është antraksi, i cili është përhapur si epidemi në atë zonë. Mediat raportojnë se kafshët kanë ngordhur javën e fundit në parkun Kombëtar të Bwabwata, në veri-lindje të vendit.

Një zyrtar i ministrisë tha se Namibia kurrë nuk kishte parë ndonjë rast të tillë më parë. Antraksi është një sëmundje vdekjeprurëse bakteriale, e cila është e njohur për vrasjen e kafshëve të egra, ato shtëpiake dhe në disa raste edhe njerëzit, shkruan BBC. Fotot nga zona tregojnë dhjetëra hipopotam të ngordhur nëpër lumenj.

Colgar Sikopo, drejtor i parkut dhe menaxhimit të kafshëve të egra në Ministrinë e Mjedisit dhe Turizmit të Namibisë, tha se shpërthimet e mëparshme në Namibi kishin vrarë vetëm dy hipopotam dhe elefantë.

“Kjo është një situatë që nuk e kemi parë më parë,” tha ai, duke sqaruar se epidemi të tilla ndodhin “kryesisht kur niveli i lumit është kaq i ulët”.

 

10 tetor 2017 (gazeta-Shqip.com)