Kulturë “Misto” rikthen Bujar Asqeriun në teatër

“Misto” rikthen Bujar Asqeriun në teatër

109
0
SHPËRNDAJE

“Misto” vepra me autor dhe regjisor Naum Shundin rikthen në teatër aktorin Bujar Asqeriu. Përkrah aktorëve Helidon Fino, Adelina Muca, Erion Kame, Niada Saliasi, Genti Decka, Asqeriu do të sjelli personazhin e jashtëzakonshëm të ndërtuar nga Shundi. “Misto” është makthi dhe dhembja prej së cilës duan të shpëtojnë 3 personazhet kryesorë të kësaj vepre.

Por sa mund të shpëtojnë ata nga vetvetja? Nga Misto? Tre personazhe që nuk e dinë se ku jetojnë. Nuk e dinë ku i kanë shtëpitë. Njihen prej vitesh me njëri-tjetrin dhe njëkohësisht, nuk njihen fare…Të tre në kërkim të “Misto”-s!

Një shfaqje me vlerat dhe antivlerat…Me ëndërrat e bukura dhe pritjet pa fund… Me çdo shpirt që kërkon të jetë i lirë. Tragjike deri në dhimbje dhe argëtuese me paradokset e saj, kjo vepër është një mënyrë tjetër e të vështruarit të realitetit. “Misto” do ta ketë premierën nesër më 13 tetor në skenën e Teatrit Kombëtar.

12 tetor 2017 (gazeta-Shqip.com)