Botë Tetë vite luftë në Siri, mbi 350,000 njerëz të vrarë

Tetë vite luftë në Siri, mbi 350,000 njerëz të vrarë

74
SHPËRNDAJE

Nga konflikti në Siri kanë mbetur të vrarë mbi 350,000 njerëz, janë zhvendosur më shumë se gjysma e popullsisë dhe pjesa më e madhe e vendit është nën rrënoja.

Vëzhguesi Sirian i të Drejtave të Njeriut, grup që monitoron luftën në Siri, tha se ka regjistruar vdekjen e 353,935 njerëzve që nga nisja e konfliktit në mars të vitit 2011.

Të vrarët përfshijnë 106,390 civilë, prej të cilëve 19,811 fëmijë, thuhet në shifrat e publikuara sot.

Në një vend me një popullsi prej 23 milionë banorësh para luftës, Kombet e Bashkuara vlerësuan se 6.1 milionë njerëz janë zhvendosur nga luftimet.

Handicap International, një organizatë joqeveritare franceze, tha se një milion njerëz janë plagosur në luftë.

Konflikti në Siri, që ka nisur më 15 mars të vitit 2011, me goditjen e Qeverisë së presidentit Bashar al-Assad mbi protestat paqësore, hyn këtë javë në vitin e tetë.

13 mars 2018 (gazeta-Shqip.com)