Kryesoret Rama në Lezhë: PS, e vetmja forcë që di të bëjë qytete

Rama në Lezhë: PS, e vetmja forcë që di të bëjë qytete

91
SHPËRNDAJE

Kryeministri Edi Rama ishte sot në Lezhë ku me deputetë të zonës, prezantuan para të rinjve arritjet dhe premtimet e qeverisë. “Politika dje thoshte se kush fitonte më pak duhet të paguante më shumë, që një furrë buke në Lezhë duhet të paguajë më shumë taksa se 15-katëshi në Tiranë. Sot, është e kundërta”, u shpreh Rama.

Sipas Ramës ka disa tipare që e bëjnë PS-në unike mes forcave politike shqiptare. “E vetmja që s’ka tradhtuar interesat kombëtare dhe që di të bëjë qytete”, tha kryeministri.

Socialistëve të rinj u bëri edhe një përshkrim të kundërshtarit. “Dele me makina bashkë, për ta është vizion, Bathorja mrekullia e 8, vizion që të çon për lesh dhie”, tha Rama.

Për ata që i kërkojnë rezultatet e reformave, Kryeministri pranoi se frytet e tyre do t’i gëzojnë gjeneratat e tjera. “Reformat që bëjmë sot janë baza e nesërme, do i gëzojnë ata që sot janë fëmijë”.

Ne Lezhë është deputet edhe Pjerin Ndreu, që përfitoi nga rasti t’i çonte fjalë kolegeve të partisë se edhe ai ka libra. “Kam një bibliotekë të madhe…. do ja them edhe Mirelës, por po ja them kryeministrit”, tha Ndreu.

ERTV Live😊: Lezhë – Vijon fushata e anëtarësimeve të reja në Partinë Socialiste #PS #përShqipërinëqëDuam🌹

Gepostet von Edi Rama am Donnerstag, 8. November 2018

8 nëntor 2018 (gazeta-Shqip.com)