Kryesoret Kryemadhi kërkon rrëzimin e Ramës: Nuk mund të mbajmë dreqin brenda

Kryemadhi kërkon rrëzimin e Ramës: Nuk mund të mbajmë dreqin brenda

323
SHPËRNDAJE

Kryetarja e LSI-së, Monika Kryemadhi iu ka bërë thirrje studentëve të Elbasanit që ti bashkohen protestës së studentëve, duke shtuar se ajo nuk duhet të ndalojë deri në plotësimin e 8 kërkesave. Sipas saj, Rama është një dreq që nuk duhet mbajtur brenda sepse dreqi brenda është mallkim për shqiptarët.

“Protesta e studentëve nuk do ndalojë deri në plotësimin e 8 kërkesave. Studentët nuk protestojnë vetëm për vete, por edhe për familjarët që sakrifikojnë për shkollimin e tyre. Dua që t’i shtrini dorën të gjithë të rinjve për të marrë pjesë në protestën e nesërme. Nuk ka të bëjë me thirrjen e LSI, por të një gruaje që lufton për fëmijët e vet. Çdo shqiptar do ta bënte këtë për fëmijët e vet. Nuk mund të mbajmë dreqin brenda, pasi dreqi brenda është mallkim për shqiptarët. Më mirë pa kryeministër se me Ramën kryeministër. Të bashkohemi për të përmbysur këtë të keqe te madhe. E keqja e madhe nuk është PS, por Edi Rama. Se Edi Rama pasi të mbarojë vetingun me pedagogët, do të fillojë me mësuesit e shkollave të mesme e pastaj më tej. Pse nuk e fillon Vetingun me veten e tij?! Shiheni si tha, njëherë i kam paratë e shtëpisë me emigracion, dje tha se ma ka blerë gruaja…Një mashtrues”, u shpreh Kryemadhi.

Ndërkohë, ajo tha se në partinë e Ramës nuk ka më socialiste dhe se aty kanë mbetur vetëm 2 persona që nuk kanë në dorë asgjë.

“Më gjeni një socialist në qeveri. Dy janë; Erion Braçe dhe Pandeli Majko, njerëz që nuk kanë asgjë në dorë. Njerëzit që vuajnë sot më shumë dhe janë më të diskriminuarit janë socialistët, prandaj ne duhet t’i hapim dyert e partisë”, tha ajo.

Nga Elbasani Kryemadhi i kërkoi Edi Ramës që të ulë tarifat dhe të zhvillojë infrastrukturën sidomos për studentët në rrethe, të cilët janë më të diskrimuar se ato në kryeqytet për shkak të kushteve të vështira që studiojnë dhe punojnë.

6  janar 2019 (gazeta-Shqip.com)