Aktualitet Kanuni, familja Gjoni i fal gjakun vrasësit italian vetëm nëse i jep...

Kanuni, familja Gjoni i fal gjakun vrasësit italian vetëm nëse i jep para

3806
SHPËRNDAJE

Emisioni investigativ ‘Le Iene’ i Mediaset në puntatën e transmetuar mbrëmjen e së dielës 10 shkurt i është rikthyer dhe një herë ngjarjes së vrasjes së shqiptarit 22-vjeçar, Gjergj Gjoni. I riu humbi jetën më 20 tetor 2015 pasi u qëllua për vdekje nga italiani Francesko Sicignano, ndërsa po tentonte t’i grabiste banesën. Italiani nuk e di se duhet të përballet me hakmarrjen e Kanunit, një kod të tmerrshëm dhe arkaik që ende ekziston sot në pjesë të Shqipërisë, siç na tregon gazetari Luigi Pelazza .

Sipas këtij ligji mesjetar, gjaku duhet të lahet me gjaku. Familja shqiptare e kërcënoi autorin e krimit Francesco Sicignano se do të hakmerret për të marrë gjakun e të birit të vrarë, duke u bazuar kështu në ligjin e Kanunit.

Vetëm ndërhyrja e një ndërmjetësi ndonjëherë mund të ndryshojë fatin. Këtë herë gazetarët italianë kanë takuar ndërmjetësin e faljes së gjaqeve, Nikollën, i cili thotë se Francesco duhet të vijë në Shqipëri për të kërkuar falje. Ai i premton italianit se nuk do t’i ndodhë asgjë sepse është nën përgjegjësinë e tij.

“Është shumë e qartë se familja vuan për shkak të kësaj çështjeje. Në këtë rast Kanuni thotë se edhe ekziston mundësia e faljes”, shpjegon ndërmjetësi që ka takuar familjen Sicignano.  Nikolla thotë që italiani duhet të vijë në Shqipër për tu takuar  me prindërit e djalit të vrarë, të cilët thonë se do të marrin hakun.

“Babai i djalit të vrarë mund të dëshirojë të takohet me Francescon dhe në këtë rast, ne do të duhet të shkojmë në Shqipëri. Nëse vini me mua do të jeni nën përgjegjësinë time dhe asgjë nuk do t’ju ndodhë derisa të ktheheni në shtëpi. Sepse në qoftë se diçka duhet të ndodhë me ju unë do të çnderohem “, tregon ndërmjetësi i faljes së gjaqeve.

Më pas ekipi i gazetarëve niset drejt Shqipërisë për tu takuar me familjen Gjoni.  “Unë do e bëj Markun mik me Francescon”, është premtimi që thotë ndërmjetësi i gjaqeve.

Nikolla tenton të bindë Mark Gjonin që të falë gjaqet, por ai refuzon së bashku me gruan. Më pas ai zbutet dhe e fton në shtëpi vrasësin italian, duke i thënë se pranon që të bisedojë, duke vendosu disa kushte.

“Nëse unë i them Francescos që të fal gjaku, atëherë ia kam dhënë besën për gjithë jetën. Nëse nuk e fal, ai duhet të ruhet”, thotë babi i viktimës. Më pas ai tha se mundësia për falje është vetëm kompensimi financiar. ‘Nëse unë i kërkoj atij një shumë financiare dhe Francesco nuk pranoin, atëherë është 2 herë në gjak me mua. Unë i vras edhe një person tjetër. Nëse pranon, atëherë e fal”, tha Marku, duke mos premtuar falje.

Gazeta Shqip