Një tjetër qytetar shqiptar ka hequr flamurin turk në kullën e rojës bregdetare në Gjirin e Lalëzit. Ngjarja vjen vetëm pak orë pasi një 48-vjeçar u vu në pranga pasi bëri të njëjtin veprim. I revoltuar për arrestimin e bashkëqytetarit, personi që quhet Mandi, ka hipur në kullën e rojes bregdetare dhe e ka hequr flamurin turk që ndodhet aty bashkë me atë të Shqipërisë e Kosovës.
Mandi filmohet nga familjarët e tij të cilët e duartrokasin për veprimin e bërë.
“Bravo Mandi, për mendimin tonë, ai flamur aty është i tepërt,”- dëgjohet të thonë ata në video.
Më herët, një 48-vjeçar është arrestuar nga Policia e Shtetit, pasi bëri të njëjtin veprim. 48-vjeçari i identifikuar me iniciale Sh. S, 48 vjeç, banues në Mazrek, Tiranë, hodhi në rrjetet sociale një video ku shihej teksa hiqte flamurin turk dhe policia e shpalli në kërkim. Më pas e prangosi. Ai akuzohet për veprat penale: “Nxitja e urrejtjes ose grindjeve” dhe “Prishja e rendit dhe qetësisë publike”.
View this post on Instagram