A do e pranonit Blair si ndërmjetës mes jush dhe Mitsotakis? Rama: Ne flasim anglisht, nuk na duhet një anglez që s'di as shqip as greqisht 

Kryeministri Edi Rama ka deklaruar se politika nxjerr një ndikim shumë të keq në disa njerëz ndonjëherë. Në një intervistë për gazetën ‘eKathimerini’, Rama është pyetur nëse Tony Blair do të jetë një ndërmjetës për të rregulluar miqësinë mes tij dhe Kyriakos Mitsotakis, ka refuzuar pasi sipas tij mund të komunikojmë më mirë vetë. 

Gazetari: Mendoj se shumicën e pyetjeve i bëra, por do të doja të bëja edhe dy të tjera. Është e mirëdokumentuar se keni një bashkëpunim politik me Tony Blair-in dhe Alastair Campbell-in. Do ta pranonit Tony Blair-in si ndërmjetës midis jush dhe Mitsotakis për të zgjidhur çështjen “Beleri”?

Rama: Po çfarë do të bëjë Tony Blair-i. Çfarë mund të bënte? 

Gazetari: T’ju kthente sërish miqësinë.

Rama: Miqësinë? Jo, po ju them, dhe jam shumë i sinqertë për këtë, nuk kam asnjë lloj ndjesie të llojit “pse kam qenë mik me këtë njeri? Pse i kam besuar këtij njeriu?” Jo, e kam mik dhe i besoj. Ju thashë, politika mund të jetë një ndikim shumë i keq e, ndonjëherë, politika ka shkatërruar mendje shumë të bukura dhe zemra të mëdha…

Rama: Por nuk ndryshon ndjenjat e mia. Kyrikoas për mua është një udhëheqës modern dhe ajo çfarë po ndodh tani nuk është moderne, është antike dhe nuk duhet të ndodhë! Por nuk i di saktësisht motivet. Mendoj se kjo është shumë e thjeshtë, është shumë e thjeshtë dhe i gjithë ky dyshim, të gjitha këto teori konspirative, gjithë kjo ide e marrë se Himara është një arenë ku duhet të ndeshemi sesa grekë jemi apo sa shqiptarë jemi, e gjitha kjo nuk është e shëndetshme. Eshtë shumë e dalë boje.

Gazetari: Zoti Kryeministër, kjo është puna e Tony Blair-it, t’iu shpjegojë situatën të dyja kryeqyteteve

Rama: Kyrikoasit? Nuk e di, nuk e di nëse mundet t’ia shpjegojë Kyrikoasit, por nuk mendoj se na duhet një tjetër gjuhë në mes. Unë flas shqip, ai flet greqisht. Ai  flet anglisht më mirë se unë, por unë flas anglisht mirë mjaftueshëm, kështu që nuk na duhet një anglishtfolës që nuk di as shqip, as greqisht, për të bërë bashkë një grek dhe një shqiptar, sepse, pastaj, kam frikë se problemin do e ketë Tony, jo ne.