Çfarë ndodhi? NDËRPRITET energjia elektrike në një pjesë të Tiranës dhe në Durrës

Është ndërprerë ditën e sotme energjia elektrike për një pjesë të kryeqytetit dhe për qytetin e Durrësit.

Bëhet me dije se OSHEE njofton për një avari në linjën 110kV, gjë që ka shkaktuar ndërprerje të energjisë elektrike për abonentët.

Sot rreth orës 14:00 një pjesë e Tiranës mbeti pa energji elektrike për afro 15 minuta për shkak të avarisë në rrjetin 110kV të OST – akset Tirana 2-Selitë-Sharrë.

Kjo solli ndërprerje të energjisë në disa n/stacione të OSSH, përfshi dhe Spitallën në Durrës.

Pas disa manovrimeve u bë e mundur rikthimi energjisë elektrike në zonat e prekura kryesisht (Tiranë e Re, Selitë, Kombinat, etj), si dhe në disa lagje të Durrësit (Spitallë, Durrësi i Ri ‘ish-këneta’, rruga “Aleksandër Goga”).