Belgjikë- Detaje të reja kanë dalë në dritë nga vrasja e Bledar Muçës në Belgjikë. 39-vjeçari shqiptar Bledar Muça, i vrarë me disa plumba në kokë në Aartselaar mbrëmjen e së shtunës, nuk ishte veçse një “hajdut i vogël” për drejtësinë belge. Për shqiptarët, nga ana tjetër, Bledar Muça njihet ndryshe si krahu i djathtë i Çapjave, të cilët akuzohen se kanë kryer një vrasje të dyfishtë për 50 mijë euro, shkruajnë mediat belge. Bledar Muça i kishte shpëtuar dy atentateve në vendin e tij.
Një burrë që nuk binte në sy, i cili kishte një vit që jetonte në një pallat pranë stacionit të policisë në Aartselaar dhe drejtonte një makinë të vogël me targa britanike. Fqinjët nuk ishin në gjendje të raportonin më shumë për shqiptarin që u vra të shtunën mbrëma në një atentat të vërtetë mafioz në rrugën e shtëpisë së tij.
Një kërkim fillestar rezultoi pak për policinë. Bledar ‘Bled’ Muça (39-vjeç) nuk ishte i njohur për drejtësinë belge. Një shqyrtim i dosjeve aktuale të drogës nuk dha një shpjegim për ekzekutimin e kryer në mënyrë profesionale në Aartselaar.
Bledar Muça njihej vetëm si “hajdut i vogël”. Ai u dënua në dhjetor 2018 së bashku me tre të tjerë për vjedhje në dyqan me vlerë 600 euro në ‘Carrefour’ në Schoten. Burrat kishin fshehur aksesorë celularësh, çelësa prizë, llamba dhe një kuti me prezervativë poshtë rrobave të tyre. Detektivi i dyqanit i kapi ata duke dalë jashtë. Bledar Muça dhe miqtë e tij u dënuan me katër muaj burg, por dënimi ishte në mungesë.
Bledar Muça mund të ketë qenë një i panjohur në Belgjikë, por në Shqipëri kishte statusin e një krimineli profesionist. Mediat e cilësojnë atë si “krahu i djathtë i vëllezërve Florenc dhe Ardjan Çapja”.
Klani Çapja nga qyteti i Elbasanit besohet se është përgjegjës për një duzinë llogarish në skenën e krimit shqiptar. Për shembull, klani shihet si porositës të vrasjes së dyfishtë të Nezir Beqirit dhe djalit të tij Gentian në vitin 2012. Një i penduar ka deklaruar se Florenc Çapja kishte paguar 50 mijë euro për këtë vrasje të dyfishtë.
Drejtësia shqiptare u vu pas për pak kohë Bledar Muçës si të dyshuarin kryesor për vrasjen e vëllezërve Roland dhe Ilir Rexhepi në Elbasan. Posaçërisht vrasja e ish-policit Ilir Rexhepi në vitin 2009 bëri bujë. Në fund u arrestuan edhe dy të dyshuar të tjerë, ndërsa Bledar Muça doli i lirë.
Ai u dënua me dy vjet burg në vitin 2016 sepse kishte qëlluar ndaj policisë gjatë një përplasjeje me armë zjarri. Sipas policisë shqiptare ai është filmuar nga kamerat e vëzhgimit.
Departamenti Federal i Hetimeve Kriminale të Antverpës përballet me detyrën e ndërlikuar të gjurmimit të autorëve të vrasjes në Aartselaar. Ekzekutimi si ai ndaj Bled Muçës zakonisht u besohet vrasësve profesionistë. Hyjnë në vend, bëjnë punën dhe ikin sërish.
Konfliktet në mjedisin e drogës janë shpesh shkaku i ekzekutimeve të tilla. Nëse kjo vlen edhe për vrasjen e Bled Muçës në Aartselaar, hetimi do të duhet të tregojë. Nuk ishte i vetmi hesapi në skenën e krimit shqiptar fundjavën e kaluar. Të shtunën, 34-vjeçari shqiptar Ergys Dashi u vra me njëzet plumba në një restorant në qytetin port të Guajakil (Ekuador).
