43 urdhër-arreste janë lëshuar ditën e sotme nga policia, në kuadër të një operacioni të përbashkët mes Shqipërisë dhe Italisë.
Mësohet se operacioni është zhvilluar njëkohësisht në disa vende evropiane, ku në qendër ka qenë goditja e trafikut të drogës.
Burimet thanë se operacioni është përqendruar në Brescia dhe marrin pjesë hetues të Krimit të Organizuar, Njësia e Policisë Ekonomike dhe Financiare dhe Guardia di Finanza.
Mësohet se në këtë operacion është goditur një rrjet i trafikut të drogës në Evropë dhe janë sekuestruar 4 milionë euro. Detajet do të jepen gjatë një konference për shtyp nga prokurori i Bergamos dhe përfaqësues të autoriteteve të drejtësisë shqiptare.
