Policia ka reaguar në lidhje me aksidentin e rëndë, të ndodhur mbrëmjen e djeshme në Llogara, ku ish-kryebashkiaku Vasil Bollano përplasi me makinë 17-vjeçarin Elios Hamiti, i icli ndërroi jetë në spital.
Policia njofton se Bollano është arrestuar, teksa ditën e djehsme pas aksidentit, ai u shoqërua në komisariat për t’u pyetur për ngjarjen. Bollano akuzohet për veprën penale “Shkelja e rregullave të qarkullimit rrugor”, me pasojë vdekjen.
Njoftimi i policisë:
Vlorë; Specialistët e Qarkullimit Rrugor arrestuan në flagrancë shtetasin V. B., 66 vjeç, banues në Himarë.
Ky shtetas, ditën e djeshme, rreth orës 17:00, duke drejtuar automjetin, në aksin rrugor Orikum-Llogara, në afërsi të fushës së sportit, ka aksidentuar shtetasin E. H., 17 vjeç, banues në Dukat, i cili lëvizte në këmbë.
Si pasojë e dëmtimeve të marra 17-vjeçari ka ndërruar jetë në Spitalin e Traumës, Tiranë.
Materialet i kaluan Prokurorisë pranë Gjykatës së Shkallës së Parë Vlorë, për veprime të mëtejshme, për veprën penale “Shkelja e rregullave të qarkullimit rrugor”, me pasojë vdekjen.
