Deputetët e Partisë Socialiste gjatë mbledhjes së Komisionit të Ligjeve kanë miratuar sot me urgjencë draftin e qeverisë për legalizimin e kanabisit, teksa opozita nuk ishte e pranishme.

Drafti i Qeverisë ka marrë pro shumicën e votave të deputetëve socialistë, ndërkohë që Fatmir Xhafaj dhe Pandeli Majko kanë abstenuar.

Ndërkohë që në Kuvend debatohej për arrestimin e Ahmetajt, në një nga sallat e katit të dytë të Kuvendit, kryetarja e Komisionit të Ligjeve, Klotilda Bushka ka mbledhur Komisionin  e Ligjeve dhe në rend të ditur ishte drafti i Qeverisë për legalizimin e kanabisit.

Mësohet se deputetët e opozitës nuk kanë qenë të pranishëm në sallë, teksa të ata thanë se nuk janë njoftuar nga administrata e Kuvendit.

Mbledhja është zhvilluar në një nga sallat e Parlamentit, dhe ka zgjatur vetëm pak minuta, teksa bëhet me dije se ambienti nuk ka qenë i pajisur me kamera dhe regjistrues.

Në përfundim të mbledhjes së shkurtër, kur Bushka e ka hedhur në votim projektligjin, dy deputetët Xhafaj dhe Majko nuk kanë votuar pro si pjesa tjetër e grupit, por kanë abstenuar.