Një baba 27 vjeçar së bashku me bashkëshorten e tij, kanë nxjerrë në shitje fëmijën e gjashtë edhe pse ai nuk ka ardhur akoma në jetë dhe i duhen dy muaj për të lindur.
Ngjarja tragjike është denoncuar ( te henen) nga gazetarët e emisionit “Fiks fare”, të cilët pasi kanë mësuar se Emre Nuredini, kërkonte të shiste fëmijën që bashkëshortja e tij mbante, kanë kontaktuar menjëherë me të.
E ftuar në emisionin Shqipëria LIVE, gazetarja Antela Lika ka deklaruar se familja kishte raste edhe më parë të shitjes së fëmijëve, ku motra e burrit i kishte shitur për shuma nga 10 mijë deri në 20 mijë euro.
“Motra e tij kishte shitur më parë fëmijë 10 mijë 20 mijë euro dhe ky po bënte nder duke e ulur çmimin në vetëm 5 mijë. Në bisedat që u bë me babai ne fëmijës, ai mori përsipër që gruaja të çohej tek mjeku dhe lindja të bëhej e stimuluar kur shtatzënia të ishte në muajin e 7-të. Megjithatë kjo gjë nuk ndodhi. Nuk bëhej fjalë për një mjek në spital, por në një mjek popullor, një plakë thuhet.”- tha gazetarja.
