Politikanët shqiptarë kanë uruar 15-vjetorin e Pavarësisë së Kosovës.

Kryeministri Edi Rama ka uruar pavarësinë përmes një pikture të një fëmije që mban një balonë me flamurin e Kosovës.

“MIRËMËNGJES Gëzuar Pavarësinë”, shkruan Rama.

Ministrja e Punëve të Jashtme, Olta Xhaçka e quan një ditë që I bën të ndihen krenarë të gjithë.

“Gëzuar Ditën e Pavarësisë së Kosovës  vëllezërve e motrave tona në Kosovë dhe të gjithë shqiptarëve kudo që janë! Një ditë për t’u ndjerë krenarë për sa shumë është arritur në këto 15 vjet dhe për të kujtuar me nderim të gjithë ata që punuan e luftuan duke sakrifikuar gjithçka për Kosovën  e pavarur”<, shkruan Xhaçka.

Ministrja e Arsimit dhe Sportit, Evis Kushi ka zgjedhur të urojë Kosovën në një mënyrë të veçantë. Ajo ka ndarë në rrjete sociale disa punime të nxënësve në shkollat e Shqipërisë, të cilat do të jenë pjesë e ekspozitës së përbashkët me datë 21 në Bibliotekën Kombëtare të Kosovës.

“Në këtë ditë të shënuar, zgjodha të uroj vëllezërit dhe motrat tona në Kosovë me disa nga punimet e realizuara nga nxënës të shkollave nga e gjithë Shqipëria, të cilat do të jenë pjesë e ekspozitës së përbashkët, më datë 21, në Bibliotekën Kombëtare të Kosovës, Prishtinë.