Pamjet e mëposhtme janë nga dhuna e familjes Nikolla kundrejt anëtarëve të familjes Kaçi në Hamallaj. Siç shihet në video, Martin Nikolla së bashku me vëllezërit e tij, kanë dhunuar me shkopinj bejsbolli dhe sende të rënda familjen Kaçi.
Pasi i kanë dhunuar, Martin Nikolla, ka nxjerrë armën dhe ka qëlluar 5 herë drejt komshinjëve të tyre.
Si ndodhi ngjarja e rëndë?
Fillimisht ka qenë kryefamiljari i familjes Kaçi, 80-vjeçari Pjetër Kaçi, i cili po kalonte rrugën dhe Martin, Alfred, Petrit dhe Arben Nikolla i kanë zënë pritë dhe pas një debati me arsyen ‘pse më sheh’, ka nisur dhuna barbare. Vëllezërit e kanë qëlluar më moshuarin me shkopinj bejsbolli dhe me sende të forta. Duke parë sherrin, janë afruar djemtë e Kaçit, të cilët janë përfshirë në sherrin me familjen Nikolla. Në këto momente Martin Nikolla ka nxjerr armën dhe ka qëlluar 5 herë në drejtim të tyre.