Ish-drejtori i Përgjithshëm i Policisë, Ardi Veliu është rikthyer në ekranet televizive duke u shaqur në rolin e zv/ministrit të Energjisë.
Ai është paraqitur në komisionin e Veprimtarisë Prodhuese për të mbrojtur projektligjin që synon mbrojtjen e florës dhe faunës nënujore.
Sipas zëvendësministrit të Infrastrukturës, anijet do të ndalohen të përdorin lëdnë helmuese, pasi dëmtohet zinxhiri ushqimor i gjallesave detare.
“Projektligji që po paraqesim sot, ka si synim aderimin në konventën ndërkombëtare për kontrollin e dëmit nga sistemet për mbrojtjen antivegjetative në anije, ose siç quhet ndryshe Anti-Fouling. Sistemet Anti-Fouling janë materiale që shërbejnë për të lyer fundin e anijeve me qëllim parandalimin e ngjitjes së gjallesave bimore, si alga dhe molusqe, të cilat si pasojë ndikojnë në uljen e shpejtësisë së anijeve, rritjen e konsumit dhe ndotjen e ajrit. Në periudhat e hershme anijet për të mos lejuar ngjitjen e gjallesave në pjesën e poshtme të tyre kanë përdorur lëndë helmuese si arseniku apo lëndë të tjera të cilat përveç molusqeve dhe algave dëmtonin dhe mjedisin nënujor duke ndikuar negativisht në zinxhirin ushqimor të gjallesave gjallesat detare apo te biodiversiteti. Duke patur në vëmendje rrezikun organizata detare IMO ka nxitur kërkimet për gjetjen e një sistemi që nuk do të lejonte ngjitjen e gjallesave në fundin e anijeve dhe që nuk do të dëmtonte mjedisin”, u shpreh Veliu.
Ardi Veliu u shkarkua si drejtor i Përgjithshëm i Policisë në tetor të vitit 2021. Largimi i tij u bë më anë të një dorëheqje paraprake.