Mëngjesin e sotëm, një shpërthim i fuqishëm me tritol ka tmerruar banorët e Sarandës.
Konkretisht në shëtitoren e qytetit bregdetar, hotel ‘Bizanti’ ka shpërthyer nga lënda eksploziv rreth orës 5:54.
Nuk dihet ende nëse ka persona të lënduar nga ngjarja, ndërsa bëhet me dije se hoteli është rrafshuar totalisht.
Ndërkohë banorët të frikësuar nga ngjarja për mediat e kanë cilësuar këtë shpërthim si akt terrorist, pasi ka dëmtuar dhe banesat e godinat rreth hotelit, deri në 300 metra distancë.