Tentoi të arratisej, por u kap nga policia/ Kush është 32-vjeçari që ndërroi jetë në spitalin e Traumës (EMRI)

Një ngjarje e rëndë ka ndodhur mbrëmjen e djeshme në Tiranë, ku një 32-vjeçar ka ndërruar jetë, pasi u shoqërua në komisariat.

Ngjarja ka ndodhur pasi shtetasi Laer Kurti është shoqëruar në ambientet e Komisariatit të Policisë Nr. 3 në Tiranë.

Nga informacionet paraprake bëhet e ditur se më herët, policia i kishte bërë thirrje për të ndaluar me qëllim për t’i kontrolluar dokumentet e identifikimit, por ai ishte larguar me vrap.

I riu u ndalua në rrugën “Don Bosko” dhe gjatë shoqërimit të tij, ka shfaqur probleme shëndetësore sapo ka mbërritur në ambientet e Komisariatit.

I riu është dërguar më pas me mjetet e Policisë në Spitalin e Traumës, ku edhe ka ndërruar jetë.