Gjykata e Rrethit Gjyqësor Kukës ka pranuar kërkesën e Avokatit Sokol Tahiraj dhe Avokatit Arbër Hoxha për zëvendësimin e masës së sigurimit , nga “arrest me burg “ në “arrest shtëpie“ , për të dyshuarin Albert Tuci , vëllai i kreut të bashkisë Fushë Arrëz i dyshuar për kryerjen e veprës penale “ Kultivim i lëndëve narkotike “ .
Tuci u arrestuar gjatë operacionit anti-kanabis, i cili u zhvillua më 20 maj. Policia arrestoi 19 persona në Kukës, Lezhë, Shkodër, Tiranë dhe Gjirokastër, mes tyre edhe vëllain e Fran Tucit, kreut të Bashkisë së Fushë Arrëzit.