Pamjet tronditëse janë shfaqur të një leopardi të egër, i cili ka plagosur të paktën 15 persona. Klipi që qarkullon në mediat sociale të martën tregon macen e madhe teksa kërcen mbi një gardh me tela me gjemba përpara se të kapet mbi një furgon që kalonte në Jorhat. Kafsha arrin të shkëpusë një pjesë të jashtme të automjetit përpara se të largohej.

Leopardi sulmoi të paktën 15 persona, duke përfshirë një roje pylli dhe nënën dhe dy vajzat e saj. Por fatmirëisht kafsha u qetësua të enjten e kaluar pas një kërkimi dy-ditor. Ajo do t’i nënshtrohet ekzaminimeve të mëtejshme përpara se të lëshohet në Parkun Kombëtar Kaziranga.

Leopardët zakonisht nuk i sulmojnë njerëzit pa provokim,por nuk dihet se çfarë e shkaktoi tërbimin e Jorhatit, ndërsa fillimisht mendohet macja e egër ishte në kërkim të ushqimit. Sulmet e maceve të mëdha fatkeqësisht janë bërë më të zakonshme në Indi, pasi popullsia në rritje dhe nevoja për strehim dhe infrastrukturë prek zonat pyjore.