12 vjet anëtare e NATO-s, ambasada e SHBA: Shqipëria, mike e besuar dhe aleate e fortë

12 vite më parë, Shqipëria u anëtarësua në Aleancën më të fuqishme ushtarake, NATO-n. Ambasada e SHBA e ka përkujtuar këtë ditë të rëndësishme për kombin shqiptar me deklaratën e presidentit amerikan Georgë ë Bush.

“Shqipëria është një mike e besuar dhe një aleate e fortë. Dhe shpresoj se vizita e sotme do të dërgojë tek populli shqiptar mesazhin se ju mund të mbështeteni tek Amerika, ashtu si Amerika mund të mbështetet tek ju, për të punuar fort për të përhapur lirinë dhe, si rrjedhojë, paqen,” – ish-Presidenti i Shteteve të Bashkuara George W. Bush gjatë vizitës së tij historike në Tiranë më 10 qershor 2007, teksa Shqipëria përgatitej të hynte në NATO”, thuhet në këtë postim.

Më tej në reagimin e ambasadës theksohet se “Sot, Shqipëria feston 12 vjet anëtarësim në NATO dhe Shqipëria mund të mbështetet tek Shtetet e Bashkuara, ashtu si Shtetet e Bashkuara mund të mbështeten tek Shqipëria më shumë se kurrë. Gëzuar përvjetorin e 12-të, Shqipëri!”