Një aksident me pasojë vdekjen e një personi është regjistruar mbrëmjen e sotme në aksin rrugor Mamurras–Milot.
Sipas të dhënave paraprake, një automjet ka përplasur një këmbësor, i cili ndodhej duke kaluar rrugën në momentin e ngjarjes. Për pasojë, këmbësori ka ndërruar jetë në vend, për shkak të plagëve të rënda që ka marrë nga përplasja.
Menjëherë pas aksidentit, policia ka mbërritur në vendngjarje dhe ka nisur veprimet hetimore për të zbardhur rrethanat e plota të ngjarjes. Ende nuk dihet identiteti i viktimës dhe drejtuesit të mjetit.
Ngjarja ka shkaktuar shqetësim tek banorët e zonës, të cilët kërkojnë më shumë masa sigurie në këtë segment rrugor, ku prej kohësh raportohet mungesë ndriçimi dhe shpejtësi tej normave të lejuara.