Një aksident ka ndodhur pak minuta më parë në aksin e vjetër Fier- Lushnje, pranë fshatit Vajkan ku dy automjete, një tip “ Benz” dhe një kamionçinë janë përplasur me njëra-tjetrën.
Korrespondenti i Top Channel, Neritan Trifoni, bën me dije se si pasojë e goditjes së fortë kanë mbetur të lënduar dy persona të cilët janë transportuar me urgjencë drejt spitalit rajonal Fier dhe fatmirësisht ndodhen jashtë rrezikut për jetën.
Ndërkohë policia dhe grupi hetimor ndodhen në vendngjarje për të përcaktuar shkaqet e këtij aksidenti.
