Një aksident i rëndë ka ndodhur dje në zonën e Bathores, Kamëz, ku një 34-vjeçar ka përplasur një vajzë të mitur 13-vjeçare.
Policia njoftoi se drejtuesi i automjetit, shtetasi F.S., është vënë në pranga pas aksidentit. Vajza e mitur ndodhet aktualisht në spital, ku po trajtohet nën kujdesin e mjekëve. Gjendja e saj shëndetësore nuk është bërë e ditur me detaje deri më tani.
Materialet për këtë ngjarje janë referuar Prokurorisë, e cila do të vijojë me veprimet e mëtejshme procedurale për të përcaktuar përgjegjësitë e drejtuesit të automjetit.
Policia apelon për kujdes të shtuar në respektimin e rregullave të qarkullimit rrugor, sidomos në zona të banuara, për të shmangur aksidente të tilla.