Një aksident automobilistik është regjistruar pak minuta më parë në hyrje të bypass-it Mbrostar–Levan, pranë rrethrrotullimit të Spitalit Memorial Turk në Fier. Në aksident janë përfshirë një betoniere dhe një automjet transporti, të cilat janë përplasur me njëra-tjetrën.
Nga aksidenti ka mbetur i dëmtuar njëri prej drejtuesve të mjeteve, i cili ka pësuar frakturë në krah. Ai është transportuar me urgjencë në Spitalin Rajonal Fier, për të marrë ndihmën e parë mjekësore dhe ndodhet jashtë rrezikut për jetën.
Policia po punon për zbardhjen e rrethanave të aksidentit, ndërsa përplasja ka shkaktuar vështirësi në qarkullimin e automjeteve.