Një aksident ka ndodhur sot rreth orës 09:15 në aksin rrugor “Peshkopi-Maqellarë”, ku dy automjete janë përplasur me njëra-tjetrën. Një “Ford”, me drejtues S. S., 47 vjeç, është përplasur me një “Benz”, të drejtuar nga R. M., 65 vjeç.
Si pasojë e përplasjes, drejtuesi i “Ford”-it ka pësuar dëmtime dhe aktualisht po merr ndihmë mjekësore në spital. Sipas burimeve, ai ndodhet jashtë rrezikut për jetën.
Policia ka ngritur një grup hetimor për të zbardhur shkaqet e këtij aksidenti. Aksidenti ka shkaktuar shqetësim në zonë dhe autoritetet janë angazhuar për të rregulluar situatën.