Aksident TRAGJIK në Malësi të Madhe, 40-vjeçari VDES pasi bie në humnerë

Një ngjarje e rëndë është shënuar paraditen e sotme në fshatin Lëpushë të Kelmendit, në Malësinë e Madhe, ku një 40-vjeçar ka humbur jetën pasi dyshohet se ka rënë në një humnerë. Ngjarja është raportuar rreth orës 10:52.

Pas marrjes së njoftimit, shërbimet e Policisë kanë mbërritur në vendngjarje, ku kanë konstatuar shtetasin me inicialet F. S., rreth 40 vjeç, me dëmtime të rënda. Pavarësisht pasojave të rënda të rënies, ai nuk ka mundur të mbijetojë.

Në vendngjarje ndodhet grupi hetimor, i cili po vijon veprimet për të përcaktuar rrethanat dhe shkaqet e sakta të ngjarjes.

Hetimet vijojnë për dokumentimin e plotë të incidentit.